ସ୍ବେରେଜ ବୋର୍ଡ ସର୍ବୋଚ୍ଚ ଯନ୍ତ୍ରୀ, ୱାଟକୋ ମହାପ୍ରବନ୍ଧକଙ୍କୁ ହାଜିରା ନିର୍ଦ୍ଦେଶ
କଟକ : ଭୁବନେଶ୍ବର ବଡ଼ଗଡ଼ କେନାଲ କଲୋନିରେ ବର୍ଜ୍ୟ ଜଳ ନିଷ୍କାସନରେ ଅବ୍ୟବସ୍ଥା ପ୍ରସଂଗକୁ ନେଇ ଦାୟର ମାମଲାରେ ସ୍ବେରେଜ ବୋର୍ଡ ସର୍ବୋଚ୍ଚ ଯନ୍ତ୍ରୀ ଓ ୱାଟକୋ ସାଧାରଣ ପରିଚାଳକଙ୍କୁ ବ୍ୟକ୍ତିଗତ ହାଜିରା ପାଇଁ ହାଇକୋର୍ଟ ନିର୍ଦ୍ଦେଶ ଦେଇଛନ୍ତି। ଉକ୍ତ କଲୋନିରେ ସ୍ବେରେଜ ଡ୍ରେନ୍ ଅବସ୍ଥାରେ ଉନ୍ନତି ପାଇଁ କି ପଦକ୍ଷେପ ଗ୍ରହଣ କରାଯାଇଛି, ସେନେଇ ଅବଗତ କରିବାକୁ ଏହି ଦୁଇ ଅଧିକାରୀଙ୍କୁ ହାଇକୋର୍ଟ ନିର୍ଦ୍ଦେଶ ଦେଇଛନ୍ତି। ମାର୍ଚ୍ଚ ୭ ପୂର୍ବରୁ ସତ୍ୟପାଠ ଦାଖଲ କରାଯିବ। ଆବେଦନକାରୀ ସତ୍ୟପାଠ ଉପରେ ପ୍ରତିଜବାବ ଦାଖଲ କରିପାରିବେ।
Sambad is now on WhatsApp
Join and get latest news updates delivered to you via WhatsApp
ମୁଖ୍ୟ ବିଚାରପତି ଡକ୍ଟର ଜଷ୍ଟିସ ଏସ. ମୁରଲୀଧର ଓ ଜଷ୍ଟିସ ଆର୍କେ ପଟ୍ଟନାୟକଙ୍କୁ ନେଇ ଗଠିତ ଖଣ୍ଡପୀଠ ପୁରୁଷୋତ୍ତମ ବଳ ଓ ଅନ୍ୟମାନଙ୍କ ତରଫରୁ ଦାୟର ଜନସ୍ବାର୍ଥ ମାମଲାର ଶୁଣାଣି କରି ଏପରି ନିର୍ଦ୍ଦେଶ ଦେଇଛନ୍ତି। ୨୦୧୬ରେ ରୁଜୁ ଏହି ମାମଲାରେ ଆବେଦନକାରୀଙ୍କ ପକ୍ଷରୁ ଆଇନଜୀବୀ ଦୟାନିଧି ମହାନ୍ତି ମାମଲା ପରିଚାଳନା କରୁଛନ୍ତି।