ଚନ୍ଦ୍ରଶେଖରପୁର : ଗୁରୁବାର ସନ୍ଧ୍ୟାରେ ଶିଖରଚଣ୍ଡି ଅଞ୍ଚଳରୁ ଏକ ୧୨ ଫୁଟ୍‌ ଲମ୍ବର ଅଜଗର ଉଦ୍ଧାର କରାଯାଇଛି। ସ୍ଥାନୀୟ ଅଞ୍ଚଳର ଜଣାଶୁଣା ସାପ ଧରାଳି ପଞ୍ଚାନନ ସେଠୀ ସାପକୁ ଉଦ୍ଧାର କରିଛନ୍ତି। ଆସନ୍ତାକାଲି ତାକୁ ଚନ୍ଦକା ଅଭୟାରଣ୍ୟରେ ଛାଡ଼ିଦିଆଯିବ ବୋଲି ସେ କହିଛନ୍ତି। ସୂଚନାନୁଯାୟୀ ସାପଟି ଶିଖରଚଣ୍ଡି ନିକଟ ବଜାର ଦେଇ ରାସ୍ତା ପାର୍‌ ହେଉଥିଲା। ବାଟବଣା ହୋଇଥିବା ସାପଟି ଏକ ଦୋକାନ ଭିତରକୁ ପଶିବାକୁ ଯାଉଥିବା ବେଳେ ସେଠାରେ ଥିବା ଲୋକେ ତାକୁ ଦେଖିଥିଲେ। ତେବେ ସେମାନେ ସାପର କିଛି କ୍ଷତି ନକରି ତୁରନ୍ତ ପଞ୍ଚାନନଙ୍କୁ ଖବର ଦେଇଥିଲେ।