ଭୁବନେଶ୍ବର: ବନ୍ଧୁକ ଦେଖାଇ ଦାଦାବଟି ଓ ଚୋରା ବନ୍ଧୁକ କାରବାର କରୁଥିବା ଅପରାଧୀଙ୍କୁ ସ୍ପେସାଲ୍ କ୍ରାଇମ୍ ୟୁନିଟ୍ ବାନ୍ଧିଛି। ଏକ ଗୁଇନ୍ଦା ସୂଚନା ଆଧାରରେ ପୁଲିସ ଚଢ଼ଉ କରି ଅଭିଯୁକ୍ତକୁ ଧରିବା ସହ ତା’ ନିକଟରୁ ଏକ ବନ୍ଧୁକ ଜବତ କରିଛି। ଉଲ୍ଲେଖଯୋଗ୍ୟ ଯେ ପୂର୍ବରୁ ମଧ୍ୟ ସେ ଦାବାବଟି ଓ ଅନ୍ୟ ମାମଲାରେ ପୁଲିସ ଦ୍ବାରା ଗିରଫ ହୋଇଥିଲା। ଅଭିଯୁକ୍ତ ଜଣକ ଅଭ୍ୟାସଗତ ଅପରାଧୀ ହୋଇଥିବାରୁ ପୁଲିସ ଅଧିକ ଖୋଳତାଡ଼ କରିବା ସହ ତା’ର ସହଯୋଗୀଙ୍କୁ ଧରିବା ଲାଗି ଚେଷ୍ଟା ଚଳାଇଛି।
ସୂଚନାଯୋଗ୍ୟ ଯେ ନିକଟରେ ପୁଲିସ ଚୋରାବନ୍ଧୁକ କାରବାର ଲିଙ୍କ୍ରେ ତିନିଜଣ ଅଭିଯୁକ୍ତକୁ ଗିରଫ କରିଥିଲା। ସେମାନଙ୍କଠାରୁ ମିଳିଥିବା ତଥ୍ୟ ଆଧାରରେ ସ୍ପେସାଲ୍ କ୍ରାଇମ୍ ୟୁନିଟ୍ ଚୋରାବନ୍ଧୁକ କାରବାର କରୁଥିବା ତଥା ବିଭିନ୍ନ ଅପରାଧରେ ସଂପୃକ୍ତ ଥିବା କିଛି ଅପରାଧୀଙ୍କ ସୁରାକ ପାଇଥିଲା। ପୁଲିସ ସେମାନଙ୍କ ତାଲିକା କରି ତନାଘନା ଚଳାଇଥିଲା। ଗତକାଲି ଜଣେ ଅଭିଯୁକ୍ତ ଏକ ବଡ଼ ଧରଣର ଅପରାଧ ଘଟାଇବାକୁ ଭୁବନେଶ୍ବର ଆସିଥିଲା। ଦାଦାବଟି ସହ ଅପହରଣ କରି ଟଙ୍କା ଆଦାୟ କରିବାକୁ ଯୋଜନା ଥିବା ପୁଲିସ ସୂଚନା ପାଇଥିଲା। ତେବେ ଅଭିଯୁକ୍ତ ଜଣଙ୍କ ଭୁବନେଶ୍ବରେ ଥିବା ଜାଣି ପୁଲିସ ଚଢ଼ଉ କରି ତାକୁ ମାଡ଼ି ବସିଥିଲା। ଯାଞ୍ଚ ପରେ ତା’ ନିକଟରୁ ଗୋଟିଏ ବନ୍ଧୁକ ମିଳିଥିଲା। ଅଭିଯୁକ୍ତର ସୂଚନା ଆଧାରରେ ଅନ୍ୟ ଅପରାଧୀ ଓ ବନ୍ଧୁକ ଜବତ କରିବାକୁ ପୁଲିସ ଉଦ୍ୟମ ଚଳାଇଛି। ଅଭିଯୁକ୍ତ ଜଣକ ଭୁବନେଶ୍ବର ବାହାରର ହୋଇଥିବାରୁ ତା’ର ସହଯୋଗୀ ଏବଂ ଅନ୍ୟ କାହାକୁ ସେ ବନ୍ଧୁକ ଦେଇଛି ସେ ଦିଗରେ ପୁଲିସ ଖୋଳତାଡ଼ କରୁଛି।
ବନ୍ଧୁକ ମାଫିଆକୁ କାବୁକଲା ସ୍ପେସାଲ୍ କ୍ରାଇମ୍ ୟୁନିଟ୍
ବନ୍ଧୁକ ଦେଖାଇ ଦାଦାବଟି ଓ ଚୋରା ବନ୍ଧୁକ କାରବାର କରୁଥିବା ଅପରାଧୀଙ୍କୁ ସ୍ପେସାଲ୍ କ୍ରାଇମ୍ ୟୁନିଟ୍ ବାନ୍ଧିଛି। ଏକ ଗୁଇନ୍ଦା ସୂଚନା ଆଧାରରେ ପୁଲିସ ଚଢ଼ଉ କରି ଅଭିଯୁକ୍ତକୁ ଧରିବା ସହ ତା’ ନିକଟରୁ ଏକ ବନ୍ଧୁକ ଜବତ କରିଛି।
/sambad/media/media_files/2025/04/14/HtTNTuh1tlluUJ3sRNZT.jpg)