ଭୁବନେଶ୍ୱରରେ ସରକାରୀ କର୍ମଚାରୀ ପରିଚୟ ପତ୍ର ଦେଖାଇ ଅଫିସ ଯାଇପାରିବେ: ସିପି

ଭୁବନେଶ୍ୱର: ରାଜଧାନୀ ଭୁବନେଶ୍ୱରରେ ରାଜ୍ୟ ସରକାରୀ କର୍ମଚାରୀ କେବଳ ନିଜର ପରିଚୟ ପତ୍ର ଅଥବା ନିଜ ମୁଖ୍ୟ କାର୍ଯ୍ୟାଳୟର ଚିଠି ପୁଲିସକୁ ଦେଖାଇ ଯାଇପାରିବେ । ସେମାନଙ୍କୁ ଗାଡ଼ି ପାଇଁ କୌଣସି ପାସର ଆବଶ୍ୟକତା ନାହିଁ । ପୁଲିସ କମିସନର ଡ.ସୁଧାଂଶୁ ଷଡ଼ଙ୍ଗୀ ଟୁଇଟ ଜରିଆରେ ଏହି ସୂଚନା ଦେଇଛନ୍ତି ।

For State Government Employees in Bhubaneswar, they are requested to show identity card & letter from head of office mobilising for duty & police personnel will let you go.
No vehicle pass is required for them.

— Dr Sudhanshu Sarangi (@SarangiSudhansu) April 19, 2020

ପୁଲିସ କମିସନର କହିଛନ୍ତି, ଭୁବନେଶ୍ୱରରେ ଆଇଟି କମ୍ପାନିର କର୍ମଚାରୀମାନେ ଘରୁ ରହି କାମ କରନ୍ତୁ । ସେମାନେ ମାତ୍ର ୨୫ ପ୍ରତିଶତ କର୍ମଚାରୀଙ୍କୁ ନେଇ ଅଫିସରେ କାମ କରନ୍ତୁ । ସେମାନେ କମ୍ପାନିର ପରିଚୟ ପତ୍ର ଦେଖାଇ ସେମାନଙ୍କର କାର୍ଯ୍ୟାଳୟକୁ ଯାଇପାରିବେ ।

IT & ITES Companies in Bhubaneswar are requested to continue with present Work from Home arrangement & function with a maximum of 25 % staff coming to office. They will be allowed on showing Company I card & email showing that they are part of the 25 % asked to come to office.

— Dr Sudhanshu Sarangi (@SarangiSudhansu) April 19, 2020

କେନ୍ଦ୍ର ସରକାରଙ୍କ କର୍ମଚାରୀମାନେ ଭୁବନେଶ୍ୱରରେ ଗୃହମନ୍ତ୍ରାଳୟର ଆଦେଶ ଅନୁସାରେ ଅଫିସକୁ ଯାଇପାରିବେ । ଅନ୍ୟ କର୍ମଚାରୀମାନେ ୩୦ ପ୍ରତିଶତ ଅଫିସରେ ଡିୟୁଟି କରିବେ । ସେମାନେ ନିଜର ଅଫିସ ପରିଚୟ ପତ୍ର ଦେଖାଇ ଯାଇପାରିବେ । ଗାଡ଼ି ପାଇଁ ସେମାନଙ୍କୁ ପାସର ଆବଶ୍ୟକତା ନାହିଁ । ଲକଡାଉନ ସମୟରେ ପୁଲିସ ୨୯୪ ଜଣଙ୍କ ଠାରୁ ଜରିମାନା ଆଦାୟ କରିଛି ବୋଲି କହିଛନ୍ତି ପୁଲିସ କମିସନର ।