ରାଜ୍ୟସ୍ତରୀୟ ଦିବ୍ୟାଙ୍ଗ ଶିଶୁ ମହୋତ୍ସବ

ଭୁବନେଶ୍ବର: ହେଲ୍ପମେଟ୍ ତରଫରୁ ରାଜ୍ୟସ୍ତରୀୟ ଦିବ୍ୟାଙ୍ଗ ଶିଶୁ ମହୋତ୍ସବ ଉତ୍କଳ ଦୃଷ୍ଟିବାଧିତ ସଂଘରେ ଅନୁଷ୍ଠିତ ହୋଇଛି। ଏହି କାର୍ଯ୍ୟକ୍ରମରେ ରାଜ୍ୟର ବିଭିନ୍ନ ଜିଲ୍ଲାର ଛାତ୍ରଛାତ୍ରୀମାନଙ୍କ ମଧ୍ୟରେ ସଙ୍ଗୀତ ଓ ବକ୍ତୃତା ପ୍ରତିଯୋଗିତା କରାଯାଇ ସେମାନଙ୍କୁ ପୁରସ୍କୃତ କରାଯାଇଛି। ଏତଦ୍‌ବ୍ୟତୀତ ବିଭିନ୍ନ ଜିଲ୍ଲାର ନବମ ଓ ଦଶମ ଶ୍ରେଣୀର ଉତ୍ତମ ଛାତ୍ରଛାତ୍ରୀମାନଙ୍କୁ ଆଇପଡ୍‌ରେ ସେମାନଙ୍କ ପାଠ୍ୟପୁସ୍ତକକୁ ରେକର୍ଡିଂ କରି ବଣ୍ଟନ କରାଯାଇଛି।

କାର୍ଯ୍ୟକ୍ରମରେ ମୁଖ୍ୟ ଅତିଥି ଭାବେ ପ୍ରଶାସକ ସନ୍ନ୍ୟାସୀ ବେହେରା ଓ ସମ୍ମାନିତ ଅତିଥି ଭିନ୍ନକ୍ଷମ କମିସନର ସୁଲୋଚନା ଦାସ ଯୋଗଦେଇ ଛାତ୍ରଛାତ୍ରୀଙ୍କର ଭବିଷ୍ୟତକୁ ନେଇ ଅନେକ ସରକାରୀ ନିୟମ ଉପରେ ଆଲେଚନା କରିଥିଲେ। ଏହି ଅବସରରେ ମଧୁଲିତା ରାୟ, ଅଞ୍ଜଳି ପତି, ଡ. ସୁଚେତା ରାଉତ, ବୀଣାପାଣି ସାହୁ ପ୍ରମୁଖଙ୍କୁ ସମ୍ମାନିତ କରାଯାଇଥିଲା। ଅନ୍ୟମାନଙ୍କ ମଧ୍ୟରେ ସଭାପତି ଡ. ଅଞ୍ଜଳି ତ୍ରିପାଠୀ, ଉପସଭାପତି ନୀହାରିକା ପଟ୍ଟନାୟକ, ସମ୍ପାଦିକା ନିବେଦିତା ଭଞ୍ଜ ଉପସ୍ଥିତ ଥିଲେ।