ବାରଙ୍ଗରୁ ଚୋରି ଟ୍ରାକ୍ଟର ନୟାଗଡ଼ରୁ ଜବତ, ୨ ଗିରଫ

ବାରଙ୍ଗ/ତ୍ରିଶୁଳିଆ: ବାରଙ୍ଗ ଅନନ୍ଦ ବଜାରରୁ ଚୋରି ହୋଇଥିବା ଟ୍ରାକ୍ଟରକୁ ନୟାଗଡ଼ରୁ ଜବତ କରିଛି ବାରଙ୍ଗ ଥାନା ପୁଲିସ। ଚୋରି ହୋଇଥିବା ଟ୍ରାକ୍ଟର (ଓଆର ୦୫ଏଏମ୍-୪୮୭୩) ଓ ଏହାର ଡାଲା (ଓଆର୦୫ଏଏମ-୪୮୭୪)କୁ ପୁଲିସ ଜବତ କରିବା ସହିତ ଚୋରିରେ ସଂପୃକ୍ତ ବୋଡାପଡ଼ା ଗ୍ରାମର ପ୍ରଭାତ ଷଣ୍ଢ ଓ ଘଡୁଆଳ ଗ୍ରାମର ଜିତେନ୍ଦ୍ର ଭଟ୍ଟଙ୍କୁ ଗିରଫ କରି କୋର୍ଟ ଚାଲାଣ କରିଛି। ଦୁଇ ଅଭିଯୁକ୍ତ ଗତ ୨୫ ତାରିଖରେ ବାରଙ୍ଗ ଶ୍ରୀବନ୍ତପୁର ଗ୍ରାମର ସତ୍ୟବ୍ରତ ବଡ଼ଜେନାଙ୍କ ଟ୍ରାକ୍ଟରକୁ ଚୋରି କରି ନୟାଗଡ଼ ନେଇଯାଇଥିଲେ।

ଇଞ୍ଜିନ ଓ ଡାଲାକୁ ଅଲଗା କରି ବିକ୍ରି କରିବାକୁ ଯୋଜନା ହୋଇଥିଲା। ପ୍ରଭାତ ଭାଗରେ ଡାଲା ପଡ଼ିଥିଲା। ଡାଲାକୁ ୭୦ ହଜାର ଟଙ୍କାରେ ବିକ୍ରି କରିବାକୁ ସ୍ଥିର ହୋଇଥିଲା। ଜିତେନ୍ଦ୍ର ଭାଗରେ ପଡ଼ିଥିବା ଇଞ୍ଜିନକୁ ନେଇ ଏକ ପଡ଼ିଆରେ ରଖିଥିଲା। ବିକ୍ରି କରିବା ଲାଗି ଏକ ଟ୍ରାକ୍ଟର ଗ୍ୟାରେଜକୁ ଯାଇଥିଲା। ବିକ୍ରି କରିବାକୁ ଯୋଜନା ଚାଲିଥିବା ବେଳେ ଟ୍ରାକ୍ଟର ଡାଲାରେ ଲେଖା ଥିବା ନମ୍ବରକୁ ଦେଖି ଜଣେ ବ୍ୟକ୍ତି ଟ୍ରାକ୍ଟର ମାଲିକଙ୍କୁ ଫୋନ କରିଥିଲେ।