ଗଳ୍ପ ସଂକଳନ ‘ବଡ଼ ଦେଉଳର ପାରା’ ଲୋକାର୍ପିତ

ଭୁବନେଶ୍ବର: ରମେଶ ଚନ୍ଦ୍ର ମହାନ୍ତିଙ୍କ ଗଳ୍ପ ସଂକଳନ ‘ବଡ଼ ଦେଉଳର ପାରା’ ରାଜଭବନଠାରେ ରାଜ୍ୟପାଳ ପ୍ରଫେସର ଗଣେଶୀ ଲାଲଙ୍କ ଦ୍ବାରା ଲୋକାର୍ପିତ ହୋଇଯାଇଛି। ଏହି ସଂକଳନରେ ୨୨ଟି ଗଳ୍ପ ସ୍ଥାନିତ ହୋଇଛି। ଗଳ୍ପଗୁଡ଼ିକ ସମାଜଧର୍ମୀ ଓ ସାଂପ୍ରତିକ ଘଟଣାବଳୀକୁ ନେଇ ଲେଖାଯାଇଛି। କାର୍ଯ୍ୟକ୍ରମରେ ଉଦୟନାଥ ମହାପାତ୍ର, ପୂର୍ଣ୍ଣଚନ୍ଦ୍ର ଦାସ, ନିର୍ମଳ ଚନ୍ଦ୍ର ସ୍ବାଇଁ, ସୌମ୍ୟରଞ୍ଜନ ମହାନ୍ତି, ରାଜ୍ୟପାଳଙ୍କ ଲୋକସଂପର୍କ ଅଧିକାରୀ ରକ୍ଷକ କୁମାର ନାୟକ ପ୍ରମୁଖ ଉପସ୍ଥିତ ଥିଲେ।

ଲେଖକଙ୍କର ‘ହୃଦୟ ସଂଗୀତ’ ତିନୋଟି ସଂକଳନ ଓ ପ୍ରବନ୍ଧ ସଂକଳନ ‘ଅନ୍ତଃସ୍ବର’ ପୂର୍ବରୁ ପ୍ରକାଶ ପାଇଛି। ଏଥିସହ ୨୦୧୬ ମସିହାରୁ ବରିଷ୍ଠ ନାଗରିକଙ୍କ ଦ୍ବାରା ପ୍ରକାଶିତ ତ୍ରୈମାସିକ ସାହିତ୍ୟ ପତ୍ରିକା ‘ସଂପର୍କ ସେତୁ’ର ସଂପାଦନ ଶ୍ରୀ ମହାନ୍ତି କରୁଛନ୍ତି।