‘ତିତିଲି’ ପକ୍ଷରୁ ସମର କ୍ୟାମ୍ପ ଉଦଯାପିତ, ଭାଗ ନେଲେ ୫୦ରୁ ଅଧିକ ପିଲା
ଭୁବନେଶ୍ୱର: ସୃଜନଶୀଳ ଅନୁଷ୍ଠାନ ‘ତିତିଲି’ ପକ୍ଷରୁ ଗତ ମେ ୧ ତାରିଖରୁ ସ୍କୁଲ ପିଲାମାନଙ୍କ ପାଇଁ ଆରମ୍ଭ ହୋଇଥିବା ଗ୍ରୀଷ୍ମକାଳୀନ ଶିବିର ଆଜି ପ୍ଲଟ ନଂ. ୨୭୬୮, ବିବେକାନନ୍ଦ ମାର୍ଗଠାରେ ଉଦଯାପିତ ହୋଇଯାଇଛି । ଏହି କ୍ୟାମ୍ପ ମହାବାତ୍ୟା ଫନି ପାଇଁ ମଝିରେ କିଛି ସମୟ ପାଇଁ ବନ୍ଦ ଥିଲେ ମଧ୍ୟ ଗତ ୧୩ ତାରିଖରୁ ପୁଣି ଆରମ୍ଭ ହୋଇଥିଲା । ଏହି ଶିବିରରେ ୭ରୁ ୧୪ ବର୍ଷ ବୟସ ବର୍ଗର ୫୦ରୁ ଅଧିକ ପିଲା ଭାଗ ନେଇଥିଲେ । ଏହାକୁ ତିତିଲିର ପ୍ରତିଷ୍ଠାତା ଅର୍ପିତା ନନ୍ଦ ପରିଚାଳନା କରିଥିଲେ ।
Sambad is now on WhatsApp
Join and get latest news updates delivered to you via WhatsApp
ଖରାଛୁଟି ସମୟରେ ସ୍କୁଲ ପିଲାମାନଙ୍କର ଛୁଟି ଥିବାବେଳେ ସେମାନେ ଏହି ଅବସରରେ କିପରି ନିଜ ପାଠକ୍ରମ ବାହାରେ ଥିବା ବିଭିନ୍ନ କାର୍ଯ୍ୟକଳପ ସଂପର୍କରେ ଜାଣିପାରିବେ, ସେହି ଲକ୍ଷ୍ୟ ନେଇ ଏହି ଶିବିର ଆରମ୍ଭ କରାଯାଇଥିଲା । ପିଲାମାନେ କିପରି ନିଜ ପାଖରେ ଥିବା ବିଭିନ୍ନ କଳାକୁ ଚିହ୍ନି ପାରିବେ ସେଥିପାଇଁ ଏହିଶିବିର ଏକ ଉତ୍ତମ ସୁଯୋଗ ଥିଲା । ସେହିପରି ଭବିଷ୍ୟତରେ ଜୀବନର ବିଭିନ୍ନ ଆହ୍ଵାନର ମୁକାବିଲା ପାଇଁ ପିଲାମାନଙ୍କ ବ୍ୟକ୍ତିତ୍ୱର କିପରି ବିକାଶ ହୋଇପାରିବ ସେଥିପାଇଁ ଏହି ଅବସରରେ ଶିକ୍ଷା ଦିଆଯାଇଥିଲା । ଏହି ଅବସରରେ ନୃତ୍ୟ, ଚିତ୍ର କଳା ଓ ଭାସ୍କର୍ଯ୍ୟ, ସାଣ୍ଡ ଆନିମେସନ, ଯୋଗ ଓ ଧ୍ୟାନ ଓ ରେନଡ୍ୟାନ୍ସ ଆଦି ପିଲାମାନଙ୍କୁ ଶିକ୍ଷା ଦିଆଯାଇଥିଲା ।
