ରସୁଲଗଡ଼ ଛକରେ ଓଲଟିଲା କାର୍‌

ଭୁବନେଶ୍ୱର: ରସୁଲଗଡ଼ ଛକରେ ଆଜି ରାତିରେ ଏକ କାର୍‌ ଭାରସାମ୍ୟ ହରାଇ ଓଲଟି ପଡ଼ିଛି। ଏଥିରେ ଜଣେ ସ୍କୁଟି ଚାଳକଙ୍କ ସମେତ କାର୍‌ ଚାଳକ ଆହତ ହୋଇଛନ୍ତି। ସ୍ଥାନୀୟ ଲୋକେ ଆହତଙ୍କୁ ଉଦ୍ଧାର କରି ହସ୍ପିଟାଲରେ ଭର୍ତ୍ତି କରିଛନ୍ତି।

ସୂଚନାନୁସାରେ ଆଜି ରାତି ପ୍ରାୟ ୧୧ଟା ବେଳେ ବାଣୀବିହାର ପଟୁ କଟକ ଆଡ଼କୁ ଯାଉଥିବା ଏକ କାର୍‌, ରସୁଲଗଡ଼ ଛକ ପେଟ୍ରୋଲ ପମ୍ପ ସମ୍ମୁଖରେ ଭାରସାମ୍ୟ ହରାଇ ଜଣେ ସ୍କୁଟି ଚାଳକଙ୍କୁ ଧକ୍କା ଦେଇଥିଲା। ଏହାପରେ କାରଟି ରାସ୍ତା କଡ଼ରେ ଥିବା ଅନ୍ୟ ଏକ କାର୍‌କୁ ଧକ୍କା ଦେଇ ଓଲଟି ପଡ଼ିଥିଲା। ଏଥିରେ ସ୍କୁଟି ଚାଳକ ଓ କାର୍‌ ଚାଳକ ଗୁରୁତର ଆହତ ହୋଇଥିଲେ। ପୁଲିସ୍ ଘଟଣାସ୍ଥଳରେ ପହଞ୍ଚି ତଦନ୍ତ ଆରମ୍ଭ କରିଛି।