ରାମାୟଣ ହେଉଛି ଦିବ୍ୟପ୍ରେମର ସର୍ବଶ୍ରେଷ୍ଠ ଗ୍ରନ୍ଥ: ରାଜ୍ୟପାଳ
ରାଜଭବନରେ ଶ୍ରୀରାମ କାବ୍ୟପାଠ କବି ସମ୍ମେଳନ
ଭୁବନେଶ୍ୱର: ରାମାୟଣ ହେଉଛି ଦିବ୍ୟପ୍ରେମର ସର୍ବଶ୍ରେଷ୍ଠ ଗ୍ରନ୍ଥ। ଏଥିରେ ସଫଳ ଓ ସାର୍ଥକ ଜୀବନ ଜିଇଁବାର ସୂତ୍ର ରହିଛି। ମର୍ଯ୍ୟାଦା ପୁରୁଷୋତ୍ତମ ଶ୍ରୀରାମଚନ୍ଦ୍ର ସକଳ ଶାଶ୍ୱତ ଗୁଣର ଆଧାର ଏବଂ ତାଙ୍କ ଆଦର୍ଶର ଚିରନ୍ତନ ପ୍ରାସଙ୍ଗିକତା ରହିଛି ବୋଲି ରାଜ୍ୟପାଳ ପ୍ରଫେସର ଗଣେଶୀ ଲାଲ କହିଛନ୍ତି। ମଙ୍ଗଳବାର ରାଜଭବନରେ ଅଖିଳ ଭାରତୀୟ ରାଷ୍ଟ୍ରୀୟ କବି ସଂଗମ ଆନୁକୂଲ୍ୟରେ ଆୟୋଜିତ ଶ୍ରୀରାମ କାବ୍ୟପାଠ କବି ସମ୍ମେଳନରେ ଯୋଗଦେଇ ରାଜ୍ୟପାଳ ପ୍ରଫେସର ଲାଲ କହିଲେ ଯେ ପୁରୁଷ ଓ ପ୍ରକୃତିର ସଂଗମ ହେଉଛନ୍ତି ଶ୍ରୀରାମ। ସେ ସମସ୍ତ ଦିବ୍ୟଗୁଣର ଅଧିକାରୀ। ତେବେ ସୀତାଙ୍କ ବ୍ୟତିରେକ ସେ ଅପୂର୍ଣ୍ଣ। ରାମଙ୍କର ବିକଳ୍ପ ସମ୍ଭବ ହେଇପାରେ କିନ୍ତୁ ସୀତା ଅନନ୍ୟା। ରାମାୟଣରେ ସୀତାଙ୍କ ଭୂମିକା ଅତୁଳନୀୟ।
Sambad is now on WhatsApp
Join and get latest news updates delivered to you via WhatsApp
ପୁନଃମୂଲ୍ୟାୟନ କରିବାକୁ ରାଜ୍ୟପାଳ କହିଥିଲେ। ରାଷ୍ଟ୍ରୀୟ କବି ସଂଗମର ଅଧ୍ୟକ୍ଷ ଜଗଦୀଶ ମିତ୍ତଲ ଅନୁଷ୍ଠାନର ଲକ୍ଷ୍ୟ ଓ ଉଦ୍ଦେଶ୍ୟ ସଂପର୍କରେ ସୂଚନା ଦେବା ସହ ଦେଶବିଦେଶରେ ଏହାର ବ୍ୟାପ୍ତି ଉତ୍ସାହ ଜନକ ହୋଇଥିବା ପ୍ରକାଶ କରିଥିଲେ। ରାଷ୍ଟ୍ରୀୟ ସହ ମହାମନ୍ତ୍ରୀ ମହେଶ ଶର୍ମା, ଓଡ଼ିଶା ଶାଖାର ଅଧ୍ୟକ୍ଷ ଗଜାନନ୍ଦ ଶର୍ମା, ସଂରକ୍ଷକ ଅଜୟ ଅଗ୍ରୱାଲ, ମହାମନ୍ତ୍ରୀ ପୁଷ୍ପା ସିନ୍ଧି ପ୍ରମୁଖ ଶ୍ରୀରାମ ବନଗମନ ପଥ କାବ୍ୟଯାତ୍ରାର ଉପଲବ୍ଧି ସଂପର୍କରେ ଆଲୋଚନା କରିଥିଲେ। ଏହି ଉପଲକ୍ଷେ କବିତା ପାଠୋତ୍ସବର ଆୟୋଜନ କରାଯାଇଥିଲା। ପୂର୍ବରୁ ଆୟୋଜିତ କବିତା ପ୍ରତିଯୋଗିତାର କୃତୀ ପ୍ରତିଯୋଗୀମାନଙ୍କୁ ସମ୍ବର୍ଦ୍ଧିତ କରାଯାଇଥିଲା। ପ୍ରତିଯୋଗିତାରେ ବଲାଙ୍ଗିରର ସ୍ବରୂପା ସିଂହ ପ୍ରଥମ, ବରଗଡ଼ର ଆସ୍ଥା ମହାପାତ୍ର ଦ୍ବିତୀୟ ଓ ଗୁଞ୍ଜନ ଅଗ୍ରୱାଲ ତୃତୀୟ ସ୍ଥାନ ଅଧିକାର କରିଥିଲେ। କୃତୀ ପ୍ରତିଯୋଗୀମାନେ ଆସନ୍ତା ନଭେମ୍ବରରେ ହେବାକୁ ଥିବା ରାଷ୍ଟ୍ରୀୟ ପ୍ରତିଯୋଗିତାରେ ଭାଗ ନେବେ।