ବାଲିଅନ୍ତା : ବାଳକାଟି ଫାଣ୍ଡି ଅଧୀନ ବେତନାଶିଆ ଗ୍ରାମରେ ଲୋକେ ୨ ଚୋରଙ୍କୁ ଧରି ପୁଲିସ ଜିମା ଦେଇଛନ୍ତି। ଗତକାଲି ବିଳମ୍ବିତ ରାତିରେ ରଘୁନାଥ ସାହୁଙ୍କ ଘରେ ୨ଜଣ ଚୋର ପଶିଥିଲେ। ସେମାନେ ପ୍ରଥମେ ବାରିପଟେ ଅଗଣା ଭିତରକୁ ପଶି କଂସାବାସନ ଏବଂ ଅନ୍ୟାନ୍ୟ ମୂଲ୍ୟବାନ ସାମଗ୍ରୀ ଚୋରି କରିଥିଲେ। ପରେ ଜଣେ ତଳେ ଠିଆ ହୋଇଥିବା ବେଳେ ଅନ୍ୟ ଜଣେ ଏକ ପାଇପ ଯୋଗେ ଘର ଭିତରେ ପଶିଥିଲା। ଘରୁ ମୋବାଇଲ ଫୋନ, ଟଙ୍କା, ହାତ ଘଣ୍ଟା ଚୋରିକରି ନେଇଥିଲା। ସେହି ଘରେ ଥିବା ଆଲମିରାକୁ ଖୋଲିବା ବେଳେ ଶବ୍ଦ ଶୁଣି ରଘୁନାଥଙ୍କ ପୁଅ ନିଦରୁ ଉଠି ଚୋରକୁ ଧରିଥିଲେ। ଅନ୍ୟ ଜଣେ ଖସି ପଳାଇଥିଲେ ହେଁ ପରେ ପୁଲିସ ସହାୟତାରେ କାବୁ କରିବାରେ ସକ୍ଷମ ହୋଇଥିଲେ।