ବିଷାକ୍ତ ଚନ୍ଦନ ବୋଡା ସହ ଲଢ଼ିଲା ବାହୁବଳୀ, ଶେଷରେ ସାପର ପ୍ରାଣ ଗଲା
ଭୁବନେଶ୍ୱର: ଗତକାଲି ଅପରାହ୍ନରେ ଭୁବନେଶ୍ୱରସ୍ଥିତ ନନ୍ଦନକାନନରେ ଥିବା ଦୁଇ ମହାବଳ ବାଘ ବାହୁବଳୀ ଓ କୁନ୍ଦନ ଏକ ୩ଫୁଟର ବିଷଧର ସାପ ସହିତ ଲଢ଼ି ତାକୁ ଜୀବନରୁ ମାରି ଦେଇଥିବାର ଘଟଣା ସାମ୍ନାକୁ ଆସିଛି।
Sambad is now on WhatsApp
Join and get latest news updates delivered to you via WhatsApp
ସୂଚନାଯୋଗ୍ୟ, ଗତକାଲି ଠିକ୍ ୪ଟାବେଳେ ପର୍ଯ୍ୟଟକମାନେ ୩୧ନମ୍ବର ଖୁଆଡ ସମ୍ମୁଖରେ ଛିଡା ହୋଇଥିଲେ। ଏହି ସମୟରେ ବାହୁବଳୀ ଓ କୁନ୍ଦନ ଖୁଆଡ ମଧ୍ୟରେ ଥିବା ଏକ ବାଉଁଶ ଗଛ ମୂଳରେ ବିଶ୍ରାମ କରୁଥିଲେ । ଏତିକି ବେଳେ ଖୁଆଡ ଭିତରକୁ ଗୋଟିଏ ଚନ୍ଦନ ବୋଡା ସାପ ପଶି ଆସିଥିଲା। ପ୍ରଥମେ ସାପ ଉପରେ ନଜର ପଡିଥିଲା କୁନ୍ଦନର। କୁନ୍ଦନକୁ ଦେଖି ସାପ ଗର୍ଜନ କରିଥିଲା। ଫଳରେ ବାଘଟି ଭୟରେ ପଛକୁ ଫେରି ଯାଇଥିଲା । ଏସବୁ ଦେଖି ବୋଡା ନିକଟକୁ ବାହୁବଳୀ ଦୌଡ଼ି ଯାଇଥିଲା। ସାପକୁ ଘଉଡାଇବା ପାଇଁ ଚେଷ୍ଟା କରିଥିଲା। କିଛି ସମୟ ଧରି ସାପ ବାଘ ମଧ୍ୟରେ ସଂଘର୍ଷ ହୋଇଥିଲା। ଏଥିରେ ଚନ୍ଦନ ବୋଡାକୁ ଦୁଇ ମହାବଳ ବାଘ ବାହୁବଳୀ ଓ କୁନ୍ଦନ ମିଶି ଜୀବନରୁ ମାରି ଦେଇଥିଲେ।