ରାଜମହଲ ଛକରେ ରଙ୍ଗ ରୁଟରେ ଯାଇ ନିୟମ ଉଂଲଘନ କରି ଧରାପଡ଼ିଲେ ଅନେକ ଗାଡ଼ିଚାଳକ
ଭୁବନେଶ୍ୱର: ତିନି ମାସର ବ୍ୟବଧାନ ପରେ ଡିସେମ୍ବର ୧ରୁ ପୁଣି ସାରା ରାଜ୍ୟରେ ନୂଆ ଟ୍ରାଫିକ ନିୟମ କଡାକଡି ହୋଇଛି । ଟ୍ରାଫିକ୍ ନିୟମ ଉଂଲଘନକାରୀଙ୍କ ଠାରୁ ମୋଟା ଅଙ୍କର ଜରିମାନା ଆଦାୟ ହେଉଛି । ଭୁବନେଶ୍ବର ରାଜମହଲ ଛକରେ ରଙ୍ଗ ରୁଟରେ ଯାଇ ବହୁ ଗାଡି ଚାଳକ ଧରାପଡିଛନ୍ତି। ଧରାପଡିବା ପରେ ସେମାନଙ୍କ ଠାରୁ ଜରିମାନା ଆଦାୟ କରାଯାଇଛି। ହେଲମେଟ ପିନ୍ଧି ନ ଥିଲେ , ସିଟ ବେଲ୍ଟ ପିନ୍ଧି ନ ଥିଲେ, କି ଫୋନରେ କଥା ହୋଇ ଯାଉଥିବା ଗାଡି ଚାଳକଙ୍କୁ ଟ୍ରାଫିକ ପୁଲିସ ଧରୁଛି।
Sambad is now on WhatsApp
Join and get latest news updates delivered to you via WhatsApp
ବାଣୀବିିହାର ଛକରେ ଗତକାଲି ରାତିରେ ହାଇଡେଫିନେସନ ସିସିଟିଭି ସ୍ୱୟଂଚାଳିତ କ୍ୟାମେରା ଖଞ୍ଜା ଯାଇଛି । ଆଗକୁ ରାତିରେ ମଧ୍ୟ ଟ୍ରାଫିକ ନିୟମ ଭାଙ୍ଗି ପାରିବେ ନାହିଁ ଗାଡି ଚାଳକ । ରାତିରେ କେହି ନ ଥିଲେ ବି ଗାଡି ଚାଳକ ଟ୍ରାଫିକ ନିୟମ ମାନିବାକୁ ବାଧ୍ୟ । ଦ୍ରୁତ ଗତିରେ ଗାଡି ଚଳାଉଥିଲେ କିମ୍ବା ଟ୍ରାଫିକ ନିୟମ ଭାଙ୍ଗିଲେ ଗାଡି ନମ୍ବର ଚିହ୍ନଟ କରିବ ଏହି ସିସିଟିଭି କ୍ୟାମେରା । ଏହାପରେ ଉକ୍ତ ଗାଡି ଚାଳକଙ୍କ ଘରକୁ ଟ୍ରାଫିକ ନିୟମ ଉଂଲଘନ କରିଥିବା ନେଇ ଚାଲାଣ ପଠାଯିବ।