ଭୁବନେଶ୍ବର: ବାହାନଗା ଟ୍ରେନ୍ ଦୁର୍ଘଟଣାରେ ହଜାରେରୁ ଊର୍ଦ୍ଧ୍ବ ଲୋକ ଆହତ ହୋଇଛନ୍ତି। ସେମାନଙ୍କ ମଧ୍ୟରୁ ୧୦୦ ସଂକଟାପନ୍ନଙ୍କ ଚିକିତ୍ସା ରାଜଧାନୀର ବିଭିନ୍ନ ଡାକ୍ତରଖାନାରେ କରାଯାଉଛି ବୋଲି ଓଡ଼ିଶା ଗସ୍ତରେ ଆସିଥିବା କେନ୍ଦ୍ର ସ୍ବାସ୍ଥ୍ୟମନ୍ତ୍ରୀ ମନସୁଖ ମାଣ୍ଡଭିୟ ସୂଚନା ଦେଇଛନ୍ତି। ଗୁରୁତର ଆହତଙ୍କ ଚିକିତ୍ସାରେ ସହାୟତା ପାଇଁ ବିଶେଷଜ୍ଞ ଟିମ୍ର ଆବଶ୍ୟକତା ରହିଛି। ତେଣୁ ଏହାକୁ ଭିତ୍ତି କରି କେନ୍ଦ୍ରମନ୍ତ୍ରୀଙ୍କ ନିର୍ଦ୍ଦେଶରେ ଏମ୍ସ ଦିଲ୍ଲୀ, ଡାକ୍ତର ରାମମୋହନ ଲୋହିଆ ଡାକ୍ତରଖାନା, ଲେଡି ହାର୍ଡିଂ ଏବଂ ସଫଦରଜଙ୍ଗ ଡାକ୍ତରଖାନାରୁ ୧୭ ଜଣିଆ ବିଶେଷଜ୍ଞ ଟିମ ସ୍ବତନ୍ତ୍ର ବିମାନ ଜରିଆରେ ଆଜି ଭୁବନେଶ୍ବର ପହଞ୍ଚିଛନ୍ତି। ଆସନ୍ତାକାଲି ସୁଦ୍ଧା ଏମ୍ସ ରାୟପୁର ଓ ଏମ୍ସ ନାଗପୁରରୁ ମଧ୍ୟ ଟିମ ପହଞ୍ଚିବ। ବର୍ତ୍ତମାନ ସୁଦ୍ଧା ଏହି ଡାକ୍ତରମାନେ କେବଳ ଏମ୍ସ ଭୁବନେଶ୍ବରରେ ରହି ଶବ ସଂରକ୍ଷଣ କାର୍ଯ୍ୟରେ ସହଯୋଗ କରୁଛନ୍ତି। ଅନ୍ୟ କୌଣସି ଡାକ୍ତରଖାନାକୁ ଯାଇନାହାନ୍ତି।
Sambad is now on WhatsApp
Join and get latest news updates delivered to you via WhatsApp