ପଟିଆ ସରସ୍ବତୀ ଶିଶୁ ବିଦ୍ୟାମନ୍ଦିର

Advertisment

ଚନ୍ଦ୍ରଶେଖରପୁର: ପ୍ରକୃତି ଓ ପରିବେଶ ପ୍ରତି କର୍ତ୍ତବ୍ୟ ସମ୍ପର୍କରେ ପିଲାଙ୍କ ମଧ୍ୟରେ ସଚେତନତା ସୃଷ୍ଟି କରିବାକୁ ‘ସମ୍ବାଦ’ ଓ ‘ସମ୍ବାଦ ସାହିତ୍ୟଘର’ ପକ୍ଷରୁ ଅଭିନବ ପଦକ୍ଷେପ ନିଆଯାଇଛି। ବୃକ୍ଷର ଉପକାରିତା, ସହରାଞ୍ଚଳରେ ବାୟୁ ପ୍ରଦୂଷଣ ରୋକିବା, ପାନୀୟ ଜଳର ସୁବିନିଯୋଗ, ପ୍ଲାଷ୍ଟିକ୍‌ ବ୍ୟବହାର ନ କରିବା ଭଳି ବିଷୟରେ ପଟିଆ ସରସ୍ବତୀ ଶିଶୁ ବିଦ୍ୟାମନ୍ଦିର ଛାତ୍ରଛାତ୍ରୀଙ୍କୁ ଅବଗତ କରାଯାଇଛି। ବିଦ୍ୟାମନ୍ଦିରର ପ୍ରଧାନଆଚାର୍ଯ୍ୟ ରାଜେଶ ପାଣିଙ୍କ ତତ୍ତ୍ବାବଧାନରେ ଅନୁଷ୍ଠିତ କାର୍ଯ୍ୟକ୍ରମରେ ‘ସମ୍ବାଦ’ର ବରିଷ୍ଠ ସାମ୍ବାଦିକ କେଶବ ପାଣି, ବିଦ୍ୟାଧର ବାରିକ ଓ ବିଦ୍ୟାମନ୍ଦିରର ଗୁରୁଜୀ, ଗୁରୁମା’ମାନେ ସାମିଲ ହୋଇ ପିଲାଙ୍କୁ ବୁଝାଇଥିଲେ। ଏହି ଅବସରରେ ବିଦ୍ୟାମନ୍ଦିର କ୍ୟାମ୍ପସ୍‌ରେ ଜାମୁ, ଆମ୍ବ, ବଉଳ, କରଞ୍ଜ ଭଳି ବିଭିନ୍ନ ପ୍ରଜାତିର ଚାରାରୋପଣ ସହ ବଣ୍ଟନ କରାଯାଇଛି।

ରଥିପୁର ସରକାରୀ ବିଦ୍ୟାଳୟ
ଜଟଣୀ: ‘ସମ୍ବାଦ-ସାହିତ୍ୟଘର’ ପକ୍ଷରୁ ରଥିପୁର ସରକାରୀ ଉଚ୍ଚପ୍ରାଥମିକ ବିଦ୍ୟାଳୟରେ ଚାରାରୋପଣ କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି। ଏହି ଅବସରରେ ବିଦ୍ୟାଳୟ ପରିସରରେ ବିଭିନ୍ନ ପ୍ରକାରର ଔଷଧୀୟ, ଫୁଲ, ଫଳ ଆଦି ଚାରାରୋପଣ କରାଯାଇଥିଲା। କାର୍ଯ୍ୟକ୍ରମରେ ବିଦ୍ୟାଳୟର ପ୍ରଧାନଶିକ୍ଷକ ଶାନ୍ତନୁ ମଲ୍ଲିକ, ପ୍ରଣିତା ପ୍ରଧାନ, ଅମରେନ୍ଦ୍ର ନାୟକ, ନିରୁପମା ପରିଡ଼ା, ସରସ୍ୱତୀ ମନ୍ଦିର, ଆଶିଷ କୁମାର ବାରିକ ଯୋଗ ଦେଇଥିଲେ। ବିଦ୍ୟାଳୟର ଛାତ୍ରଛାତ୍ରୀ ମହମ୍ମଦ ଅବୁବନ୍ନର, ଶ୍ରେୟା ମାଝୀ, ସୁନୀଲ ରାଉତରାୟ, ରାହୁଲ ମୁଦୁଲି, ରେହାନ୍ ମହମ୍ମଦ, ନରେଶ ଭୋଇ, ଶ୍ରୀ ଛୁଆଳସିଂହ, ସୁଭଦ୍ରା ମୁଦୁଲି, ଆରିଫ୍ ଖାନ୍, ଅନ୍ନପୂର୍ଣ୍ଣା ଭୋଇ, ବର୍ଷା ନାୟକ, ରୂପାଲି ଭୋଇ, ଏସ୍‌କେ ଇମ୍ରାନ୍, ଏସ୍‌କେ ମୁସ୍ତାକ, କୋଲଜି ଫତମା, ଓମ୍ୟ ରଞ୍ଜନ ସେଠୀ ଚାରା ଲଗାଇଥିଲେ। କାର୍ଯ୍ୟକ୍ରମକୁ ‘ସମ୍ବାଦ’ ଜଟଣୀ ପ୍ରତିନିଧି ଦେବବ୍ରତ ଷେଣ୍ଢ ପରିଚାଳନା କରିଥିଲେ।

ଭଗବାନପୁର

ଖଣ୍ଡଗିରି: ‘ସମ୍ବାଦ ସାହିତ୍ୟଘର’ ପକ୍ଷରୁ ପାତ୍ରପଡ଼ା-ଭଗବାନପୁର ଯୁବ ବାହିନୀ ଓ ସ୍ଥାନୀୟ ବୁଦ୍ଧିଜୀବୀଙ୍କ ସହଯୋଗରେ ଭଗବାନପୁର ପୋଖରୀ ହୁଡ଼‌ାରେ ଚାରାରୋପଣ କରାଯାଇଛି। କାର୍ଯ୍ୟକ୍ରମରେ ସ୍ଥାନୀୟ କର୍ପୋରେଟର ରଶ୍ମିରଞ୍ଜନ ପାଟ୍ଟଶାଣୀ ଯୋଗଦେଇ କହିଥିଲେ, ଇଷ୍ଟର୍ଣ୍ଣ ମିଡିଆ ଲି‌ମିଟେଡ୍‌ର ଅଧ୍ୟକ୍ଷ ତଥା ପରିଚାଳନା ନିର୍ଦ୍ଦେଶକ ସୌମ୍ୟରଂଜନ ପଟ୍ଟନାୟକଙ୍କ ଦିଗ୍‌ଦର୍ଶନରେ ରାଜ୍ୟବ୍ୟାପୀ ଚାଲିଥିବା ବୃକ୍ଷରୋପଣ ଅଭିଯାନ ‘ଆସ ଚାରାଟିଏ ଲଗାଇବା’‌ ରେ ସମସ୍ତେ ସାମିଲ ହୁଅନ୍ତୁ। ଶ୍ରୀ ପାଟ୍ଟଶାଣୀ ଚାରାର ସୁରକ୍ଷା ପାଇଁ ସୁରକ୍ଷା ବାଡ଼ ଓ ସୁରକ୍ଷା କର୍ମୀ ନିୟୋଜିତ କରିଛନ୍ତି। ଏଥିରେ ନିମ୍ବ, ଓଉ, କରଞ୍ଜ ଓ ଜାମୁ ଚାରାରୋପଣ କରାଯାଇଛି। ବିଜୟ କୁମାର ରାଉତରାୟ, ଅଭିମନ୍ୟୁ ଚମ୍ପତି, ଗଗନ ବିହାରୀ ଦାଶ, ଚକ୍ରଧର ନାୟକ, ବୁଲୁ ପରିଡ଼ା, ପାତ୍ରପଡ଼ା-ଭଗବାନପୁର ଯୁବ ବାହିନୀର ସଦସ୍ୟ, ଶଶଧର ବେହେରା, ଶିବଦତ୍ତ ଚମ୍ପତ୍ତି, ଅତିସ କୁମାର ମାର୍ଥା, ହୃଦୟ ବଲ୍ଲଭ ପାଟ୍ଟଶାଣୀ, ରବୀନ୍ଦ୍ରନାଥ ସାହୁ ପ୍ରମୁଖ ଚାରାରୋପଣ କରିଥିଲେ। କାର୍ଯ୍ୟକ୍ରମକୁ ‘ସମ୍ବାଦ’ ପ୍ରତିନିଧି ହରପ୍ରିୟା ପୃଷ୍ଟି ପରିଚାଳନା କରିଥିଲେ।

ଭଗବାନପୁର ସରକାରୀ ପ୍ରାଥମିକ ବିଦ୍ୟାଳୟ

ଖଣ୍ଡଗିରି: ‘ସମ୍ବାଦ-ସାହିତ୍ୟଘର’ ପକ୍ଷରୁ ଭଗବାନପୁର ସରକାରୀ ପ୍ରାଥମିକ ବିଦ୍ୟାଳୟରେ ଚାରାରୋପଣ କାର୍ଯ୍ୟକ୍ରମ ଆୟୋଜିତ ହୋଇଯାଇଛି। ବିଦ୍ୟାଳୟର ପ୍ରଧାନଶିକ୍ଷୟିତ୍ରୀ କଳ୍ପନା ବେହେରା ଉପସ୍ଥିତ ଶିଶୁଙ୍କୁ ଗଛର ଗୁରୁତ୍ୱ ସମ୍ପର୍କରେ ସଚେତନ କରାଇଥିଲେ। ଏଥିରେ ପାଖାପାଖି ୬୦ରୁ ଅଧିକ ଛାତ୍ରଛାତ୍ରୀ ଭାଗ ନେଇ ବିଦ୍ୟାଳୟ ପରିସରରେ ଚାରାରୋପଣ କରିଥିଲେ। ଏହି କାର୍ଯ୍ୟକ୍ରମରେ ଶିକ୍ଷୟିତ୍ରୀ ମାମାଲି ସୁବୁଦ୍ଧି, ସଂଯୁକ୍ତା ପଟ୍ଟନାୟକ, ଅରକ୍ଷିତ ପାତ୍ର ପ୍ରମୁଖ ଉପସ୍ଥିତ ଥିଲେ। କାର୍ଯ୍ୟକ୍ରମକୁ ‘ସମ୍ବାଦ’ ପ୍ରତିନିଧି ହରପ୍ରିୟା ପୃଷ୍ଟି ପରିଚାଳନା କରିଥିଲେ।