ମହମବତି ଶୋଭାଯାତ୍ରାରେ ସହିଦଙ୍କୁ ଶ୍ରଦ୍ଧାଞ୍ଜଳି

ଭୁବନେଶ୍ବର: ଜମ୍ମୁ କାଶ୍ମୀରରେ ସହିଦ ହୋଇଥିବା ଭାରତର ପାଞ୍ଚ ବୀରପୁତ୍ର ଓ ଓଡ଼ିଶା ମାଟିର ଗର୍ବ ଗୌରବ ଦେବାଶିଷ ବିଶ୍ୱାଳଙ୍କ ସ୍ମୃତିରେ ମହର୍ଷି କଲେଜର ଛାତ୍ରଛାତ୍ରୀଙ୍କ ଦ୍ୱାରା ଏକ ମହମବତି ଶୋଭାଯାତ୍ରା ଅନୁଷ୍ଠିତ ହୋଇଛି। ଆଜି ସନ୍ଧ୍ୟାରେ କଲେଜ ଫାଟକ ସମ୍ମୁଖରେ ମହମବତି ଶୋଭାଯାତ୍ରା କରାଯିବା ସହ ନିରବ ପ୍ରାର୍ଥନା ଓ ସହିଦମାନଙ୍କର ସ୍ମୃତିଚାରଣ କରାଯାଇଛି।

ବିଧାୟକ ଅନନ୍ତ ନାରାୟଣ ଜେନା ଯୋଗଦେଇ ଶ୍ରଦ୍ଧାଞ୍ଜଳି ଜ୍ଞାପନ କରିଥିଲେ। ଅନ୍ୟମାନଙ୍କ ମଧ୍ୟରେ କର୍ପୋରେଟର୍‌ ଭରତ ଲେଙ୍କା, ରାଜକିଶୋର ବାରିକ, ଦିଲ୍ଲୀପ ସେନାପତି, କରୁଣାକର ରାଉତ, ଜଗମୋହନ ବଳିୟାରସିଂ, କଲେଜ କ୍ୟାମ୍ପସ କମିଟି ସଭାପତି ଦେବଦତ୍ତ, ଉପସଭାପତି ଅଲୌକିକ ଗରାବଡୁ, ଶୁଭମ ସାଣ୍ଡିଲ, ସାଦ୍ଦିକ୍‌ ଅହମ୍ମଦଙ୍କ ସମେତ ବହୁ ଛାତ୍ରଛାତ୍ରୀ ଯୋଗ ଦେଇଥିଲେ।