ଲୁଟ୍ ଅଭିଯୋଗରେ ୨ ଗିରଫ

ଭୁବନେଶ୍ବର : ଜଣେ ଯୁବକଙ୍କୁ ଛୁରି ଦେଖାଇ ଲୁଟ୍‌ କରିଥିବା ଅଭିଯୋଗରେ ଖାରବେଳନଗର ଥାନା ପୁଲିସ ଦୁଇ ଅଭିଯୁକ୍ତଙ୍କୁ ଗିରଫ କରିଛି। ଅଭିଯୁକ୍ତମାନେ ହେଲେ ଜଟଣୀର ଶୁଭମ୍ ପାଢ଼ୀ ଓରଫ୍‌ କାହ୍ନା ଓ ଆଚାର୍ଯ୍ୟବିହାର ବିଶ୍ବଝର୍ ସାହି ଅଞ୍ଚଳର ଲିଟିଲ୍ ସେଠୀ।

ପୁଲିସ ସୂଚନାନୁସାରେ ଘଟଣା ଦିନ ଅଭିଯୋଗକାରୀ ରାଜୀବ କୁମାର ପଟ୍ଟନାୟକ ମାଷ୍ଟର୍‌କ୍ୟାଣ୍ଟିନ୍‌ ଛକରେ ଏକ ପାନ ଦୋକାନ ନିକଟରେ ଜଣେ ସମ୍ପର୍କୀୟଙ୍କୁ ଅପେକ୍ଷା କରିଥି‌ଲେ। ଏହି ସମୟରେ କାହ୍ନା ଓ ଲିଟିଲ୍‌ ହଠାତ୍ ତାଙ୍କୁ ଛୁରି ଦେଖାଇବା ସହ ମାଡ଼ ମାରିଥିଲେ। ସେମାନେ ତାଙ୍କ ନିକଟରୁ ୨୪ ହଜାର ଟଙ୍କା, ମୋବାଇଲ୍ ଫୋନ୍, ଗୋଟିଏ ସୁନା ଚେନ୍‌ ଓ ମୁଦି ଛଡ଼ାଇ ଚମ୍ପଟ୍ ମାରିଥିଲେ। ଏନେଇ ରାଜୀବ ଖାରବେଳନଗର ଥାନାରେ ଅଭିଯୋଗ କରିଥିଲେ।

ସମ୍ବନ୍ଧିତ ଖବର