ଭୁବନେଶ୍ୱର: ରାଜଧାନୀର ପ୍ରମୁଖ ମାଛ ମାର୍କେଟକୁ ସିଲ୍ କରାଯାଇଛି । ଭୁବନେଶ୍ୱର ୟୁନିଟ-୪ନମ୍ବର ମାଛ ମାର୍କେଟରେ ୭ଜଣ ମାଛ ଦୋକାନୀଙ୍କ ଠାରେ କରୋନା ଭୂତାଣୁ ଚିହ୍ନଟ ହେବା ପରେ ଉକ୍ତ ଦୋକାନଗୁଡ଼ିକୁ ସିଲ କରି ଦିଆଯାଇଛି । ସିଲ ହେବା ପରେ ସମସ୍ତ ଦୋକାନ ବଜାର ବନ୍ଦ ରହିଥିବା ବେଳେ ମାର୍କଟକୁ ସଂଯୋଗ କରୁଥିବା ସମସ୍ତ ରାସ୍ତାକୁ ସିଲ କରିଦିଆଯାଇଛି ।
Sambad is now on WhatsApp
Join and get latest news updates delivered to you via WhatsApp
ଗତ ୭ଦିନ ମଧ୍ୟରେ ଏହି ମାଛ ମାର୍କେଟକୁ ମାଛ କିଣିବାକୁ ଆସିଥିବା ଲୋକମାନଙ୍କୁ ନିଜ ଆଡୁ ହୋମ କ୍ୱାରେନଟିନରେ ରହିବା ପାଇଁ ବିଏମସି ପକ୍ଷରୁ ନିବେଦନ କରାଯାଇଛି । କାରଣ ଏହି ୭ଦିନ ଭିତରେ କରୋନା ଚିହ୍ନଟ ହୋଇଥିବା ମାଛ ଦୋକାନୀଙ୍କ ସଂସ୍ପର୍ଶରେ ଲୋକମାନେ ଆସିଥିବା ନେଇ ସନ୍ଦେହ କରାଯାଉଛି ।
ସୂଚନାଯୋଗ୍ୟ, ଗତ ୨ଦିନ ମଧ୍ୟରେ ୭ଜଣ ମାଛ ଦୋକାନୀଙ୍କ ଠାରେ କରୋନା ଭୂତାଣୁ ଚିହ୍ନଟ ହେବା ପରେ ୟୁନିଟ-୪ ନମ୍ବର ମାଛ ମାର୍କେଟକୁ ସିଲ କରାଯାଇଛି । ସମସ୍ତ ଦୋକାନରେ ତାଲା ପଡିଥିବା ବେଳେ ମାଛ ମାର୍କେଟକୁ ସଂଲଗ୍ନ ସମସ୍ତ ରାସ୍ତାକୁ ବାରିକେଡ ଲଗାଇ ବ୍ଲକ କରିଦିଆଯାଇଛି । ଗତ ବୁଧବାର ଜଣେ ମାଛ ବ୍ୟବସାୟୀଙ୍କ ଠାରେ ଏବଂ ଗୁରୁବାର ୬ ମାଛ ବିକାଳିଙ୍କ ଠାରେ କରୋନା ଚିହ୍ନଟ ହେବା ପରେ ବିଏମସି ପକ୍ଷରୁ ଏହି ପଦ କ୍ଷେପ ଗ୍ରହଣ କରାଯାଇଛି । ବିଡିଏ ଏବଂ ବିଏମସି ଜଏଂଟ ଏନଫୋର୍ସସ୍କ୍ଵାର୍ଡ ମାଛ ମାର୍କେଟରେ ଏହି କଟକଣାକୁ ଜୋରଦାର କରିଛନ୍ତି ।
ଏବେ କଡା ପୁଲିସ ପହରା ମଧ୍ୟରେ ୟୁନିଟ ୪ ମାଛ ମାର୍କେଟ । ତେବେ ଏହି ଅଂଚଳରେ ଘର କରି ରହୁଥିବା ଲୋକମାନେ ପୁଲିସର ଅନୁମତି ନେଇ ଜରୁରୀ କାମରେ ଯାତାୟାତ କରି ପାରିବେ।