ଭୁବନେଶ୍ୱର: ରାଜଧାନୀ ଭୁବନେଶ୍ୱରର ଅନ୍ୟତମ ବ୍ୟସ୍ତବହୁଳ ବଜାର ‘ୟୁନିଟ-୪’ ମାର୍କେଟ ଆସନ୍ତାକାଲି (ଶୁକ୍ରବାର) ଠାରୁ ପୁଣି ଖୋଲିବ । ଭୁବନେଶ୍ୱର ମହାନଗର ନିଗମ ପକ୍ଷରୁ ବିଜ୍ଞପ୍ତି ଜରିଆରରେ ଏହି ସୂଚନା ଦିଆଯାଇଛି । ବିଏମସି ପକ୍ଷରୁ କୁହାଯାଇଛି ଯେ, ୟୁନିଟ-୪ ଏବଂ ୟୁନିଟ-୪ ଅଂଚଳରୁ କିଛି ବ୍ୟକ୍ତି କରୋନା ପଜିଟିଭ ଚିହ୍ନଟ ହେବା ପରେ ଗତ ୧୬ ତାରିଖ ଠାରୁ ମାର୍କେଟ ବନ୍ଦ ଥିଲା ।

Advertisment

publive-image

ବିଏମସି ତରଫରୁ କୁହାଯାଇଛି ଯେ, ବିଗତ ୧୪ ଦିନ ମଧ୍ୟରେ ୟୁନିଟ-୪ର ବ୍ୟବସାୟୀମାନଙ୍କର ବିଭିନ୍ନ ପର୍ଯ୍ୟାୟରେ କରୋନା ପରୀକ୍ଷା କରାଯାଇଛି । ୟୁନିଟ-୪ ମାର୍କେଟ ଅଂଚଳକୁ ସାନିଟାଇଜ କରାଯାଇଛି । ବ୍ୟବସାୟୀ ସଂଘ କୋଭିଡ-୧୯ ଗାଇଡଲାଇନ ମାନିବାକୁ ଅଣ୍ଡରଟେକିଂ ଦେଇଛନ୍ତି । ବ୍ୟବସାୟୀମାନେ କହିଛନ୍ତି, ସେମାନେ ବ୍ୟକ୍ତିଗତ ଭାବେ ସାମାଜିକ ଦୂରତାକୁ ପାଳନ କରିବେ ।

publive-image Photo: ToI

ସୂଚନାଯୋଗ୍ୟ, ରାଜଧାନୀର ପ୍ରମୁଖ ସ୍ଥାନରେ ୟୁନିଟ-୪ ମାର୍କେଟ ଥିବାରୁ ଏଠାରେ ହଜାର ହଜାର ବ୍ୟବସାୟୀ ନିଜର ବ୍ୟବସାୟ କରିଥାନ୍ତି । ଲକ୍ଷାଧିକ ଲୋକ ୟୁନିଟ-୪ ମାର୍କେଟ ଉପରେ ନିର୍ଭର କରିଥାନ୍ତି । କାଲିଠାରୁ ଏହି ମାର୍କେଟ ପୁଣି ଥରେ ଖୋଲିବା ପରେ ଲୋକଙ୍କୁ ସୁବିଧାରେ ଖାଦ୍ୟ ସାମଗ୍ରୀ ମିଳିପାରିବ ।