ଛାତ୍ରଙ୍କ ସହ ଅପ୍ରାକୃତିକ ଯୌନସମ୍ପର୍କ, ଟ୍ୟୁସନ୍ ଶିକ୍ଷକ ଅଟକ
ବସ୍ତିରେ ତୀବ୍ର ଉତ୍ତେଜନା, ପୁଲିସ ମୁତୟନ
ଚନ୍ଦ୍ରଶେଖରପୁର : ଜଣେ ଛାତ୍ରଙ୍କ ସହ ଅପ୍ରାକୃତିକ ଯୌନ ସଂପର୍କ ରଖିବା ଅଭିଯୋଗରେ ଚନ୍ଦ୍ରଶେଖରପୁର ଥାନା ପୁଲିସ ନୀଳାଦ୍ରିବିହାର ବସ୍ତି ଅଞ୍ଚଳର ଜଣେ ଟ୍ୟୁସନ୍ ଶିକ୍ଷକଙ୍କୁ ଥାନାରେ ଅଟକ ରଖି ପଚରାଉଚରା କରୁଛି। ଏହାସହ ନିକଟସ୍ଥ ଏକ ହସ୍ପିଟାଲରେ ଉଭୟ ଛାତ୍ର ଓ ଶିକ୍ଷକଙ୍କ ସ୍ବାସ୍ଥ୍ୟ ପରୀକ୍ଷା କରାଇଛି। ଏହି ଘଟଣାକୁ କେନ୍ଦ୍ର କରି ବସ୍ତିରେ ତୀବ୍ର ଉତ୍ତେଜନା ପ୍ରକାଶ ପାଇଛି। ତେଣୁ କୌଣସି ଅପ୍ରୀତିକର ପରିସ୍ଥିତି ଆଶଙ୍କାରେ ବସ୍ତିରେ ଗୋଟିଏ ପ୍ଲାଟୁନ୍ ଫୋର୍ସ ମୁତୟନ କରାଯାଇଛି।
Sambad is now on WhatsApp
Join and get latest news updates delivered to you via WhatsApp
ସୂଚନା ଅନୁଯାୟୀ, ଉକ୍ତ ବସ୍ତିରେ ଶିକ୍ଷକଜଣଙ୍କ ଭଡ଼ାରେ ରହି ଟ୍ୟୁସନ୍ କରୁଥିଲେ। ପାଖାପାଖି ୧୦ଜଣ ଛାତ୍ରଛାତ୍ରୀ ତାଙ୍କ ଘରକୁ ଟ୍ୟୁସନ୍ ପାଇଁ ଯାଉଥିଲେ। ଗତ ରାତିରେ ସବୁ ବିଦ୍ୟାର୍ଥୀ ଚାଲିଯିବା ପରେ ଜଣେ ୧୨ବର୍ଷୀୟ ଛାତ୍ରଙ୍କ ସହ ସେ ଜୋରଜବରଦସ୍ତି ସମ୍ପର୍କ ରଖିଥିଲେ। ଛାତ୍ରଜଣଙ୍କ କଷ୍ଟ ସହି ନପାରି ଉଲଗ୍ନ ଅବସ୍ଥାରେ ଘରକୁ ପଳାଇ ଆସିବା ସହ ମା’କୁ ସବୁ କଥା କହିଥିଲା। ଏଥିରେ ଉତ୍ତ୍ୟକ୍ତ ହୋଇ ପରିବାରଲୋକ ଶିକ୍ଷକଙ୍କ ଘରକୁ ଯାଇ ତାଙ୍କୁ ମାଡ଼ ମାରିବା ସହ ଚନ୍ଦ୍ରଶେଖରପୁର ପୁଲିସକୁ ସୂଚନା ଦେଇଥିଲେ।