ୟୁପିଏସ୍‌ସି ପରୀକ୍ଷାରେ ବଣିକ ଶିକ୍ଷାନୁଷ୍ଠାନର ସଫଳତା

ଭୁବନେଶ୍ବର: ଚଳିତବର୍ଷ ୟୁପିଏସ୍‌ସି ପରୀକ୍ଷାରେ ଓଡ଼ିଶାରୁ ୧୪ ଜଣ ବିଦ୍ୟାର୍ଥୀ ସଫଳତା ପାଇଛନ୍ତି। ସେମାନଙ୍କ ମଧ୍ୟରୁ ୫୧୬ ନମ୍ୱର ରୢାଙ୍କରେ କୃତିତ୍ୱ ଅର୍ଜନ କରିଛନ୍ତି ବଣିକ ଶିକ୍ଷାନୁଷ୍ଠାନର ଛାତ୍ରୀ ତେଜସ୍ୱିନୀ ବେହେରା। ନିଜର କଠିନ ଅଧ୍ୟବସାୟ, ବାପା, ମା’ ଓ ଗୁରୁଜନଙ୍କ ଆଶୀର୍ବାଦ ଏବଂ ବଣିକ ଅନୁଷ୍ଠାନର ଉନ୍ନତ ଶିକ୍ଷା ପ୍ରଣାଳୀ ତାଙ୍କର ଏହି ସ୍ୱପ୍ନକୁ ସାକାର କରିପାରିଛି ବୋଲି ସେ ପ୍ରକାଶ କରିଛନ୍ତି। ଏହା ପୂର୍ବରୁ ସେ ଓପିଏସସି-୨୦୨୦ ପରୀକ୍ଷାରେ ସର୍ବୋଚ୍ଚ ନମ୍ବର ରଖି ରାଜ୍ୟରେ ପ୍ରଥମ ସ୍ଥାନ ଅଧିକାର କରିଥିଲେ।

ଏହି ସଫଳତା କେବଳ ତେଜସ୍ୱିନୀଙ୍କର ନୁହଁ ବରଂ ବଣିକ ଶିକ୍ଷାନୁଷ୍ଠାନ ସମେତ ସମଗ୍ର ରାଜ୍ୟ ପାଇଁ ଗୌରବ ଆଣିଦେଇଛି। ଏହାକୁ ପ୍ରେରଣା ରୂପେ ନେଇ ଭବିଷ୍ୟତରେ ବହୁ ଆଶାୟୀ ନିଜର ସ୍ୱପ୍ନକୁ ସାକାର କରିବାରେ ସମର୍ଥ ହେବେ ବୋଲି ଅନୁଷ୍ଠାନର ସିଏମଡି ସୁବ୍ରତ କୁମାର ଛାଟୋଇ ଆଶା ପ୍ରକାଶ କରିଛନ୍ତି।