ଭୁବନେଶ୍ବର : ଗ୍ରୁପ ଖଲିକୋଟିଆନ୍ ଆନୁକୂଲ୍ୟରେ ଗୁଗୁଲ ମିଟ୍ ମାଧ୍ୟମରେ ପଞ୍ଚମ “କଳା ଓ କଳାକାର” ଆଲୋଚନା ଚକ୍ର ଅନୁଷ୍ଠିତ ହୋଇଯାଇଛି । ଏହି କଳା ଚର୍ଚ୍ଚା ରେ ଓଡ଼ିଶା ର ବିଶିଷ୍ଟ ଚିତ୍ର ଶିଳ୍ପୀ ବିଭୁତି ଭୂଷଣ କାନୁନଗୋ ଙ୍କ କର୍ମମୟ ଶିଳ୍ପୀ ଜୀବନର ବିଭିନ୍ନ ଦିଗ ଉପରେ ଆଲୋକପାତ କରାଯାଇଥିଲା।
Sambad is now on WhatsApp
Join and get latest news updates delivered to you via WhatsApp
ଓଡିଶା ର ବିଶିଷ୍ଟ କଳା ଐତିହାସିକ ତଥା ପୂର୍ବତନ ଅଧ୍ୟକ୍ଷ ଡ: ଅଲେଖ ଚରଣ ସାହୁଙ୍କ ଅଧ୍ୟକ୍ଷତାରେ ଅନୁଷ୍ଠିତ ଏହି ଚର୍ଚ୍ଚାରେ ଧର୍ମପଦ ପୁରସ୍କାର ପ୍ରାପ୍ତ ଚିତ୍ରଶିଳ୍ପୀ ମହେନ୍ଦ୍ର ପ୍ରସାଦ ମହାପାତ୍ର ମୁଖ୍ୟବକ୍ତା ଭାବେ ଚିତ୍ରକଳା କ୍ଷେତ୍ରରେ ବିଭୁତି କାନୁନ୍ଗୋଙ୍କ ଓଡିଶା ପ୍ରତି ଅବଦାନ ବିଷୟରେ ଆଲୋଚନା କରିଥିଲେ । ସେ କଟକର ଚିତ୍ର କଳା ମହାବିଦ୍ୟାଳୟକୁ କିପରି ଭାବରେ ପ୍ରତିଷ୍ଠା କରିଥିଲେ ଓ ପରବର୍ତ୍ତୀ ସମୟରେ ବି.କେ.ଆର୍ଟ କଲେଜ କୁ କିପରି ଭାବରେ ତାଙ୍କରି ନାମରେ ନାମିତ କରାଯାଇଥିଲା ସେ ବିଷୟରେ ଆଲୋକପାତ କରିଥିଲେ । ଡ.ଅଲେଖ ଚରଣ ସାହୁ, ବିଭୁତି କାନୁନ୍ଗୋଙ୍କ ଜୀବନ ଶୈଳୀ ସହିତ ଓଡିଶା ର ସେତେବେଳର ଚିତ୍ର କଳା ପରିସ୍ଥିତି ଓ ପ୍ରକାଶିତ ପୁସ୍ତକ ଓ ପତ୍ରପତ୍ରିକା ର ଅଳଂକରଣ ବିଷୟ ରେ ବର୍ଣ୍ଣନା କରିଥିଲେ ।
ଏହି କାର୍ଯ୍ୟକ୍ରମକୁ ରମାଦେବୀ ମହିଳା ବିଶ୍ୱବିଦ୍ୟାଳୟର ଚିତ୍ରଶିଳ୍ପୀ ରେବତୀକାନ୍ତ ମହାରଣା ଆନୁଷ୍ଠାନିକ ସ୍ବାଗତ ଭାଷଣ ଦେଇ ସଭା କାର୍ଯ୍ୟ ପରିଚାଳନା କରିଥିଲେ ।
ଏହି ଆଲୋଚନା ଚକ୍ରରେ ଗ୍ରୁପ ଖଲିକୋଟିଆନ୍ ର ଚିଫ୍ ଆଡ୍ମିନ ଅସିତ କୁମାର ପଟ୍ଟନାୟକ,କୈଳାଶ ପୃଷ୍ଟି, ଖଲିକୋଟ ଚାରୁ ଓ କାରୁ କଳା ମହାବିଦ୍ୟାଳୟ ର ଅଧ୍ୟକ୍ଷ ଜୟନ୍ତ କୁମାର ଦାସ, ବରିଷ୍ଠ ଚିତ୍ର ଶିଳ୍ପୀ ପଞ୍ଚାନନ ସୁର,ଶଶିକାନ୍ତ ରାଉତ, ରମେଶ ଦେ, ନିକୁଞ ଦାସ,ପ୍ରଭାକର ପାତ୍ର,କୁମାର ଦେବ, ଅମରେନ୍ଦ୍ର ମହାରଣା,ଉତ୍ତମ ଓଝା,କୁମୁଦ ଦାସ,ବିକ୍ରମ ଫାରକ,ହରିହର ବେହେରା ଏବଂ ଅନିଲ ଧଳ ଇତ୍ୟାଦି ଅଂଶଗ୍ରହଣ କରିଥିଲେ । ପରିଶେଷରେ ଚିତ୍ର ଶିଳ୍ପୀ ଧର୍ମପଦ ବିଶ୍ବାଳ ଧନ୍ୟବାଦ ଅର୍ପଣ କରିଥିଲେ।