ଖୋର୍ଦ୍ଧାରୋଡ୍ ଷ୍ଟେସନ୍‌ରେ ବନ୍ଦେ ଭାରତ ଏକ୍ସପ୍ରେସ୍‌କୁ ସ୍ବାଗତ

ଜଟଣୀ: ବନ୍ଦେ ଭାରତ ଏକ୍ସପ୍ରେସ୍ ଖୋର୍ଦ୍ଧାରୋଡ୍ ରେଳ ଷ୍ଟେସନ୍ ଦେଇ ଗୁରୁବାର ଅପରାହ୍‌ଣରେ ହାୱଡ଼ା ଅଭିମୁଖେ ଗତି କରିଛି। ଏହି ଅବସରରେ ଷ୍ଟେସନ୍ ରେ ୧ନମ୍ୱର୍ ପ୍ଲାଟଫର୍ମରେ ରେଳ ମଣ୍ଡଳ ପ୍ରଶାସନ ପକ୍ଷରୁ ଟ୍ରେନ୍‌କୁ ସ୍ବାଗତ କରାଯାଇଥିଲା। କାର୍ଯ୍ୟକ୍ରମରେ ଅତିଥି ଭାବେ ଜଟଣୀ ବିଧାୟକ ସୁରେଶ କୁମାର ରାଉତରାୟ, ବିଜେପି ନେତା ବିଶ୍ୱରଞ୍ଜନ ବଡ଼ଜେନା, ରାଜ୍ୟ ବିଜେପି ମୁଖପାତ୍ର ସୁଦୀପ୍ତ ରାୟ, ଜିଲ୍ଲା ବିଜେପି ସଭାପତି ରଶ୍ମିରଞ୍ଜନ ମହାପାତ୍ର, ଜଟଣୀ ନଗରିକ କମିଟି ସଭାପତି ମନ୍ମଥ ରାଉତରାୟ, ସୋନାଲି ସାହୁ, ଅଶୋକ ମଙ୍ଗରାଜ, ପ୍ରଶାନ୍ତ କୁମାର ପ୍ରଧାନ, ଲିଟୁ ରଞ୍ଜନ ରାଉତରାୟ ପ୍ରମୁଖ ଯୋଗ ଦେଇଥିଲେ।

ପ୍ଲାଟଫର୍ମରେ ବନ୍ଦେ ଭାରତ ଏକ୍ସପ୍ରେସ୍‌ ପହଞ୍ଚିବା ପରେ ଉପସ୍ଥିତ ଲୋକମାନେ ଟ୍ରେନ୍ ଉପରକୁ ଫୁଲ ଫିଙ୍ଗି ସ୍ବାଗତ ଜଣାଇଥିଲେ। କାର୍ଯ୍ୟକ୍ରମକୁ ଷ୍ଟେସନ୍ ମ୍ୟାନେଜର ରବୀନ୍ଦ୍ର କୁମାର ମଲ୍ଲିକ, ଟିକେଟ ପରୀକ୍ଷକ ଅମିୟ ଭୂଷଣ ମହାନ୍ତି ପରିଚାଳନା କରିଥିଲେ। ଏହି ଅବସରରେ ସାଂସ୍କୃତିକ କାର୍ଯ୍ୟକ୍ରମ ଅନୁଷ୍ଠିତ ହୋଇଥିଲା।