ଭୁବନେଶ୍ୱର-ରାଜ୍ୟସ୍ତରୀୟ ସ୍ୱେଚ୍ଛାସେବୀ ଅନୁଷ୍ଠାନ “ମାନବାଧିକାର ମଞ୍ଚ’ର ମୁଖପତ୍ର “ମାନବିକତାର କଥା” ର ୫ମ ସ୍ୱନକ୍ଷତ୍ର ଓତ୍ସବ ପତ୍ରିକାର ସମ୍ପାଦକ ତଥା ବିଶିଷ୍ଟ ଆଇନଜୀବୀ ଶ୍ରୀ ନଟବର ମହାନ୍ତିଙ୍କ ସଭାପତିତ୍ୱରେ ଭୁବନେଶ୍ୱରସ୍ଥ ରାଜ୍ୟ ଅଭିଲେଖାଗାର ସଭା କକ୍ଷରେ ଅନୁଷ୍ଠିତ ହୋଇଥିଲା । ଏହି ଅବସରରେ ଓଡ଼ିଶା ମାନବାଧିକାର କମିସନର ପ୍ରାକ୍ତନ କାର୍ଯ୍ୟକାରୀ ଅଧ୍ୟକ୍ଷ ମାନ୍ୟବର ବିଚାରପତି ଶ୍ରୀଯୁକ୍ତ ବୀରକିଶୋର ମିଶ୍ର ମୁଖ୍ୟ ଅତିଥି , ରାଜ୍ୟ ମାନବାଧିକାର ସୁରକ୍ଷା ପ୍ରକୋଷ୍ଠର ଅତିରିକ୍ତ ଆରକ୍ଷୀ ମହାନିର୍ଦେଶକ ଶ୍ରୀଯୁକ୍ତ ମହେନ୍ଦ୍ର ପ୍ରତାପ ସମ୍ମାନିତ ଅତିଥି ଓ ତ୍ରିପୁରା କେନ୍ଦ୍ରୀୟ ବିଶ୍ୱବିଦ୍ୟାଳୟର ପ୍ରଫେସର ଡ଼. ଆଦିତ୍ୟ କୁମାର ମହାନ୍ତି ମୁଖ୍ୟବ୍ୟକ୍ତା ଭାବେ ଯୋଗ ଦେଇଥିଲେ । ମଂଚ ଆନୁକୂଲ୍ୟରେ ବିଶ୍ୱମାନବଅଧିକାର ଦିବସ ପାଳନ ଅବସରରେ “ଅଧିକାର ଓ କର୍ତ୍ତବ୍ୟ” ଶୀଷର୍କ ଏକ ଆଲୋଚନା ସଭା ଅନୁଷ୍ଠିତ ହୋଇଥିଲା । ଅତିଥିମାନେ ଭାରତୀୟ ସମ୍ବିଧାନର ୩ୟ ଓ ୪ର୍ଥ ପରିଚ୍ଛେଦ ରେ ବର୍ଣ୍ଣିତ ନାଗରିକର ଅଧିକାର ଓ କର୍ତ୍ତବ୍ୟ ସମ୍ପର୍କରେ ବିଶେଷ ଅଲୋଚନା କରିଥିଲେ ।
Sambad is now on WhatsApp
Join and get latest news updates delivered to you via WhatsApp
ଏହି ସଭାରେ ସଭାପତି ଶ୍ରୀ ମହାନ୍ତି ସ୍ୱାଗତ ଭାଷଣ ଦେଇଥିବାବେଳେ ମାନବାଧିକାର ମଂଚର ସମ୍ପାଦକ ଆଇନଜୀବୀ ନଟବର ପଣ୍ଡା ବାର୍ଷିକ ବିବରଣୀ ପାଠ କରିଥିଲେ । ଏହି ଅବସରରେ ମୁଖ୍ୟ ଅତିଥିଙ୍କ ଦ୍ୱାରା “ମାନବିକତାର କଥା” ର ଡ଼ିସେମ୍ବର ୨୦୧୮ ବିଶେଷ ସଂଖ୍ୟା ଉନ୍ମୋଚିତ ହୋଇଥିଲା ଓ ଦୁଇ ଜଣ ବିଶିଷ୍ଟ ସମାଜସେବୀ ନମିତା ମହାନ୍ତି ଓ ବୃନ୍ଦାବନ ଦାସ ଆଜାଦଙ୍କୁ “ମାନବିକତା ସମ୍ମାନ” ୨୦୧୮ ପ୍ରଦାନ କରାଯାଇଥିଲା ଏବଂ ଆଦୃତା ଶିଶୁ ସଦନର ତିନିଜନ ଅନ୍ତେଃବାସୀ ସିବାନନ୍ଦ ଦାସ,ଗୋପିନ ମୁର୍ମୁ, ଗୋପାଳ ହାନ୍ସଦାଙ୍କୁ ସେମାନଙ୍କର କୃତିତ୍ୱ ପାଇଁ ସଂବର୍ଦ୍ଧିତ କରାଯାଇଥିଲା ।
ମଂଚର ଉପସଭାପତି ବିଶିଷ୍ଟ ଆଇନଜୀବୀ ପ୍ରଦୀପ କୁମାର ପଟ୍ଟନାୟକ ଧନ୍ୟବାଦ ଅର୍ପଣ କରିଥିଲେ । ଆଲୋଚନା ସଭା ପରେ ମୂଲ୍ୟବୋଧ ଓ ଦେଶାତ୍ମବୋଧ କବିତା ପାଠ କରାଯାଇଥିଲା । ସମସ୍ତ କାର୍ଯ୍ୟକ୍ରମକୁ ଶ୍ରୀଯୁକ୍ତ କେଦାର ମହାନ୍ତି,ଯଯାତି କେଶରୀ ମହାନ୍ତି,ଚମକ ଚାନ୍ଦିନୀ ଦାଶ, ବଂଶୀଧର ଭୋଇ, ଆଇନଜୀବୀ ରମେଶ କୁମାର ଧଳ , ଅଧ୍ୟାପିକା ସୌଦାମିନୀ ବେହେରା , ଦିଲ୍ଲୀପ କୁମାର ବେହୁରା ଓ ତ୍ରିଲୋଚନ ରାଉତ ପରିଚାଳନା କରିଥିଲେ । ଏହି ସଭାରେ ବହୁ ବୁଦ୍ଧିଜୀବୀ , ସମାଜସେବୀ, କବି ଓ ଲେଖକ ଯୋଗ ଦେଇଥିଲେ ।