ଭୁବନେଶ୍ୱର : ବାତ୍ୟାରେ କ୍ଷତିଗ୍ରସ୍ତ ପୁରୀ, ଖୋର୍ଦ୍ଧା, ଜଗତସିଂହପୁର, କେନ୍ଦ୍ରାପଡ଼ା, କଟକ ଆଦି ଜିଲ୍ଲାରେ ବିପନ୍ନଙ୍କୁ ଉତ୍କଳ ବିପନ୍ନ ସହାୟତା ସମିତି ତରଫରୁ ଆଜି ସୁଦ୍ଧା ୧୧,୮୫୧ ଜଣଙ୍କୁ ପଲିଥିନ୍ ଓ ତାର୍ପୋଲିନ ଯୋଗାଇ ଦିଆଯାଇଛି।
Sambad is now on WhatsApp
Join and get latest news updates delivered to you via WhatsApp
ସମିତି ତରଫରୁ ପୁରୀରେ ୪,୨୦୦, ନିମାପଡ଼ାରେ ୧୦୫୦, ଦାଣ୍ଡମୁକୁନ୍ଦପୁରରେ ୪୨୭୦, ଜଟଣୀରେ ୭୦, ଭୁବନେଶ୍ୱରରେ ୮୬୧, କଟକରେ ୧,୪୦୦ ପଲିଥିନ୍ ଓ ତାର୍ପୋଲିନ ବିତରଣ କରାଯାଇଛି। ସେହିପରି ସମିତି ତରଫରୁ ବର୍ତମାନ ସୁଦ୍ଧା ୧୭୫୦ ପ୍ୟାକେଟ ଶୁଖିଲା ଖାଦ୍ୟ, ୧୦ କୁଇଣ୍ଟାଲ୍ ଚୁଡ଼ା, ୧ କୁଇଣ୍ଟାଲ୍ ଗୁଡ, ୯୨ କାଟୁନ ମହମବତି,୨୦୦୦ ପ୍ୟାକେଟ୍ ଦିଆସିଲି, ଲକ୍ଷାଧିକ ବୋତଲ ପାଣି ଯୋଗାଇ ଦିଆଯାଇଛି ବୋଲି ବୋଲି ସମିତିର ମିଡିଆ ସେଲ କାର୍ଯ୍ୟାଳୟ ପ୍ରମୁଖ ଗୋଲଖ ଚନ୍ଦ୍ର ଦାସ ପ୍ରକାଶ କରିଛନ୍ତି।
ସମିତି ତରଫରୁ ପୁରୀ ଓ ଦାଣ୍ଡମୁକୁନ୍ଦପୁରଠାରେ ବାତ୍ୟାର ଷଷ୍ଠ ଦିନରେ ମଧ୍ୟ ରନ୍ଧାଖାଦ୍ୟ ବିତରଣ ହେଉଛି। ବାତ୍ୟା ଦିନ ସମିତି ପରିସରରେ ନିକଟବର୍ତୀ ବସ୍ତି ଅଞ୍ଚଳରେ ରହୁଥିବା ପ୍ରାୟ ୪୦୦ଊର୍ଧ୍ବ ବାସିନ୍ଦାଙ୍କୁ ରହିବା ସହ ରନ୍ଧା ଖାଦ୍ୟ ଯୋଗାଇ ଦିଆଯାଇଥିଲା।