ସ୍ବାସ୍ଥ୍ୟ କ୍ଷେତ୍ରରେ ଉତ୍କର୍ଷତା ଉପଲବ୍ଧି ପାଇଁ ସମ୍ବର୍ଦ୍ଧିତ ‌ହେଲେ ଯୁବ ଜନସଂପର୍କ ଅଧିକାରୀ

ଭୁବନେଶ୍ବର: ସ୍ବାସ୍ଥ୍ୟ କ୍ଷେତ୍ରରେ ଉତ୍କର୍ଷତା ଉପଲବ୍ଧି ପାଇଁ ଭୁବନେଶ୍ବରସ୍ଥିତ ଅଖିଳ ଭାରତୀୟ ଆର୍ୟୁବିଜ୍ଞାନ ସଂସ୍ଥାନ (ଏମ୍ସ)ର ଜନସଂପର୍କ ଅଧିକାରୀ ରାଜ କିଶୋର ଦାଶ ଶନିବାର ସମ୍ବର୍ଦ୍ଧିତ ହୋଇଛନ୍ତି। ସାମାଜିକ ସଂଗଠନ କାଞ୍ଚନ ଫାଉଣ୍ଡେସନ ତରଫରୁ ଭୁବନେଶ୍ବରରେ ଶନିବାର ଦିନ ଆୟୋଜିତ ଏକ ସ୍ବତନ୍ତ୍ର କାର୍ଯ୍ୟକ୍ରମରେ ଶ୍ରୀ ଦାଶଙ୍କୁ ମାନପତ୍ର ସହିତ ସମ୍ବର୍ଦ୍ଧନା ଦିଆଯାଇଛି।

ସୂଚନାଯୋଗ୍ୟ, ଶିକ୍ଷା, ସ୍ଵାସ୍ଥ୍ୟ, ପରିବେଶ ସୁରକ୍ଷା ଭଳି ବିଭିନ୍ନ କ୍ଷେତ୍ରରେ ଉଲ୍ଲେଖନୀୟ କାର୍ଯ୍ୟ କରି ପ୍ରଶଂସିତ ହୋଇଥିବା ବିଶିଷ୍ଟ ବ୍ୟକ୍ତି ବିଶେଷମାନଙ୍କୁ ଅଗ୍ରଣୀ ସାମାଜିକ ସଂଗଠନ କାଞ୍ଚନ ଫାଉଣ୍ଡେସନ ପକ୍ଷରୁ ଶନିବାର ଦିନ ପୂର୍ବ ବର୍ଷ ଭଳି ସମ୍ବର୍ଦ୍ଧିତ କରାଯାଇଥିଲା। ଶ୍ରୀ ଦାଶଙ୍କ ବ୍ୟତୀତ ସଂସ୍ଥା ପକ୍ଷରୁ ଆୟୋଜିତ ଚତୁର୍ଥ ସଂସ୍କରଣର କାର୍ଯ୍ୟକ୍ରମରେ ଅନ୍ୟମାନେ ମଧ୍ୟ ସମ୍ବର୍ଦ୍ଧିତ ହୋଇଥିଲେ। ସମାରୋହରେ ନିର୍ମାଣ ଶ୍ରମିକ କଲ୍ୟାଣ ବୋର୍ଡର ଅଧ୍ୟକ୍ଷା ଶ୍ରୀମୟୀ ମିଶ୍ର, ‘ମୋ କଲେଜ’ ଅଧ୍ୟକ୍ଷ ଆକାଶ ଦାସନାୟକ ପ୍ରମୁଖ ଅତିଥି ଭାବେ ଯୋଗ ଦେଇଥିଲେ।