ଜେଡ୍‌ ୱାନ୍‌ ୱିଣ୍ଟର୍‌ ଫେଷ୍ଟ୍‌ ଉଦ୍‌ଯାପିତ

ଚନ୍ଦ୍ରଶେଖରପୁର: କଳାରାହାଙ୍ଗସ୍ଥିତ ଜେଡ୍ ୱାନ୍ ଆପାର୍ଟମେଣ୍ଟ୍‌ରେ ଚାଲିଥିବା ୱିଣ୍ଟର୍‌ ଫେଷ୍ଟ୍‌ ଆଜି ଉଦ୍‌ଯାପିତ ହୋଇଯାଇଛି। ଚଳିତ ମାସ ୨ ତାରିଖରୁ ଆରମ୍ଭ ହୋଇଥିବା ଏହି ଉତ୍ସବ ବ୍ୟୋମ ଓ ଅଦ୍ବୈତ ବାସିନ୍ଦାମାନଙ୍କ ପକ୍ଷରୁ ଜେଡ୍ ୱାନ୍ ପ୍ରାଙ୍ଗଣରେ ଆୟୋଜିତ ହୋଇଥିଲା। ଆଜି କାର୍ଯ୍ୟକ୍ରମରେ ମୁଖ୍ୟ ଅତିଥି ଭାବେ ଭାରତୀୟ ହକି ଟିମ୍‌ର ପୂର୍ବତନ ଅଧିନାୟକ ଦିଲୀପ ତିର୍କୀ, ସମ୍ମାନିତ ଅତିଥି ଭାବେ ଉତ୍ତର ଭୁବନେଶ୍ବର ବିଧାୟକ ସୁଶାନ୍ତ କୁମାର ରାଉତ ଯୋଗଦେଇଥିଲେ।

ଉତ୍ସବର ମୁଖ୍ୟ ଅଂଶଗ୍ରହଣକାରୀ କୁନିକୁନି ପିଲାମାନଙ୍କୁ ଅତିଥିଭାବେ ପୁରସ୍କୃତ କରିବା ସହ ଏଭଳି ନିଆରା ଉଦ୍ୟମକୁ ସମସ୍ତେ ପ୍ରଶଂସା କରିଥିଲେ। ଏହି କାର୍ଯ୍ୟକ୍ରମରେ ଭଳି କି ଭଳି ଖାଦ୍ୟ ଷ୍ଟଲ୍‌ ଲାଗିଥିଲା। ଏହା ସହ ଫନ୍ କାର୍ଣ୍ଣିଭାଲ୍‌ ଆକ୍ଟିଭିଟି, ଲାଇଭ୍ ବ୍ୟାଣ୍ଡ, ସାଂସ୍କୃତିକ କାର୍ଯ୍ୟକ୍ରମ ଅନୁଷ୍ଠିତ ହୋଇଥିଲା। ଅପରାହ୍ଣ ୪ ଟାରୁ ବିଳମ୍ବିତ ରାତି ପର୍ଯ୍ୟନ୍ତ କୁନିକୁନି ପିଲାଙ୍କ ସାଂସ୍କୃତିକ କାର୍ଯ୍ୟକ୍ରମ ମନକୁ ବେଶ୍ ଛୁଇଁଥିଲା। ଏହି ଫେଷ୍ଟ୍‌ ଅବସରରେ ବିଭିନ୍ନ କ୍ରୀଡ଼ା, ଗେମ୍ ଓ ସାଂସ୍କୃତିକ କାର୍ଯ୍ୟକ୍ରମକୁ ନେଇ ପ୍ରତିଯୋଗିତା ଆୟୋଜନ କରାଯାଇଥିଲା। ୩ ରୁ ୫ ବର୍ଷ ଓ ୫ ବର୍ଷରୁ ଊର୍ଦ୍ଧ୍ବ ପିଲା ଓ ବରିଷ୍ଠ ନାଗରିକମାନଙ୍କୁ ନେଇ ବିଭିନ୍ନ ପ୍ରତିଯୋଗିତା ଆୟୋଜନ କରାଯାଇଥିଲା। ଆପାର୍ଟମେଣ୍ଟର ବାସିନ୍ଦା କାର୍ଯ୍ୟକ୍ରମ ପରିଚାଳନାରେ ସହଯୋଗ କରିଥିଲେ।