ଜିରୋ ନାଇଟ୍ ସେଲିବ୍ରେସନ୍ ପରେ ପୁଲିସ ହାତରେ ଧରା ପଡ଼ିଲେ କଟକ-ଭୁବନେଶ୍ବରର ୩୩ ମଦ୍ୟପ ଚାଳକ
ଭୁବନେଶ୍ବର: ଜିରୋ ନାଇଟ୍ ସେଲିବ୍ରେସନ ପରେ ମଦ ପିଇ ଗାଡ଼ି ଚଳାଉ ଥିବା ସମୟରେ କମିସନରେଟ୍ ପୁଲିସ ହାତରେ ଧରାପଡ଼ିଛନ୍ତି ୩୩ଜଣ ଚାଳକ। ସୂଚନା ଅନୁସାରେ, ଆଜି ପୁଲିସ ପକ୍ଷରୁ କଟକ ଓ ଭୁବନେଶ୍ବରରେ ରୋଡ ବ୍ଲକିଂ କରି ତଦାରଖ କରାଯାଉଥିବା ବେଳେ ୩୩ଜଣ ଚାଳକ ମଦ ପିଇଥିବା ଜଣାପଡ଼ିଥିଲା। ଭୁବନେଶ୍ବରରୁ ୨୨ଜଣ ମଦ ପିଇ ଗାଡ଼ି ଚଳାଇ ଧରା ପଡ଼ିଥିବା ବେଳେ କଟକରେ ଧରା ପଡ଼ିଥିଲେ ୧୧ଜଣ ଚାଳକ।
Sambad is now on WhatsApp
Join and get latest news updates delivered to you via WhatsApp
ଗଣମାଧ୍ୟମ ରିପୋର୍ଟ ଅନୁସାରେ, ଏହି ୩୩ଜଣ ଚାଳକଙ୍କଠାରୁ ପୁଲିସ ୧,୦୦୦ଟଙ୍କା ଲେଖାଏଁ ଜରିମାନା ଆଦାୟ କରି ଛାଡ଼ି ଦେଇଛି। ତେବେ ନୂଆ ଟ୍ରାଫିକ ନିୟମ ଅନୁସାରେ, ମଦ ପିଇ ଗାଡ଼ି ଚଳାଇଲେ ୧୦,୦୦୦ଟଙ୍କା ଜରିମାନା ହେବା କଥା। ମାତ୍ର କମିସନରେଟ୍ ପୁଲିସ ଜରିମାନା ପରିମାଣର ୧୦ଭାଗରୁ ଭାଗେ ଜରିମାନା ଆଦାୟ କରିବା ତଥ୍ୟଭିଜ୍ଞ ମହଲରେ ଭ୍ରୁକୁଞ୍ଚନ ସୃଷ୍ଟି କରିଛି। ମଦ୍ୟପ ଗାଡ଼ି ଚାଳକଙ୍କୁ ଜରିମାନାରେ କାହିଁକି ପୁଲିସ ରିହାତି ଦେଲା ତାହା ଚର୍ଚ୍ଚାର ବିଷୟ ପାଲଟିଛି। ତେବେ ଏ ନେଇ କମିସନରେଟ୍ ପୁଲିସ ପକ୍ଷରୁ କୌଣସି ସ୍ପଷ୍ଟୀକରଣ ଦିଆଯାଇ ନାହିଁ।
Went around Bhubaneswar sharing tea with our staff on duty for the Zero Night celebration.Morale is high & commitment unflinching.👍
My gratitude to all our officers.Have wished all of them a Happy New Year over Police Radio. We will be on duty till people return home safe.👍🙏 pic.twitter.com/a2wTFU1Suy— Dr Sudhanshu Sarangi (@SarangiSudhansu) December 31, 2019
ଅନ୍ୟ ପକ୍ଷରେ ଗତକାଲି ମଧ୍ୟରାତ୍ରରେ ପୁଲିସ କମିସନର ସୁଧାଂଶୁ ଷଡ଼ଙ୍ଗୀ ରାଜଧାନୀର ବିଭିନ୍ନ ସ୍ଥାନରେ ସୁରକ୍ଷା ବ୍ୟବସ୍ଥା ଯାଞ୍ଚ କରିଥିଲେ। ସେ ପୁଲିସକର୍ମୀଙ୍କ ସହିତ ବିଳମ୍ବିତ ରାତିରେ ଏକାଠି ଚା’ ପିଉଥିବାର ଏକ ଫଟୋ ସେୟାର କରିଥିଲେ । ରାତି ୧୨ଟା ୨୦ରେ ନିଜର ଟୁଇଟର ହ୍ୟାଣ୍ଡେଲରେ ସେ ଏହି ଫଟୋ ସେୟାର କରିଥିଲେ।