ନୂଆଦିଲ୍ଲୀ: ପହଲଗାମ୍ ହମଲାର ବଦଲା ନେଲା ଭାତର । ଅପରେସନ ସିନ୍ଦୂର ଜରିଆରେ ଆତଙ୍କବାଦୀଙ୍କୁ ନିପାତ କଲା ଭାରତ । ଅଧ ରାତିରେ ଆତଙ୍କୀ ଆଡ୍ଡା ଉପରେ ଆକ୍ରମଣ କରିଛି ଭାରତ । ପିଓକେ ଏବଂ ପାକିସ୍ତାନରେ ପଶି ଆତଙ୍କୀଙ୍କୁ ଖୋଜି ଖୋଜି ମାରିଛନ୍ତି ଭାରତୀୟ ସେନା । 

Advertisment

ତେବେ ଇତିମଧ୍ୟରେ ଅପରେସନ ସିନ୍ଦୂର ନେଇ ସେନା ପକ୍ଷରୁ ପ୍ରେସମିଟ୍ କରାଯାଇଛି । ବୈଦେଶିକ ସଚିବ ବିକ୍ରମ ମିଶ୍ରି ପ୍ରତିକ୍ରିୟା ରଖି ପହଲଗାମ୍ ଆକ୍ରମଣକୁ ନିନ୍ଦା କରିବା ସହ ଆତଙ୍କୀ ହମଲା ଅତି ଗମ୍ଭୀର ଘଟଣା ବୋଲି କହିଛନ୍ତି । ତେବେ ପରିବାର ସାମ୍ନାରେ ସେମାନଙ୍କ ଆତ୍ମୀୟଙ୍କୁ ହତ୍ୟା କରିବା ଏବଂ ସେମାନଙ୍କୁ ଟାର୍ଗେଟ୍ କରି ମୁଣ୍ଡକୁ ଗୁଳି କରି ହତ୍ୟା କରିବା ଅତି ବର୍ବରକାଣ୍ଡ । ଭୀରୁ ଭଳି ହତ୍ୟା କରି ଏହାର ବାର୍ତ୍ତା ଦେବାକୁ କହିଥିଲେ ଆତଙ୍କବାଦୀ ।

ଜାମ୍ମୁକାଶ୍ମୀରର ବିକାଶ ରୋକିବାକୁ ଏବଂ ଜାମ୍ମୁକାଶ୍ମୀରର ଶାନ୍ତି ଭଙ୍ଗ କରିବାକୁ ଆକ୍ରମଣ ହୋଇଥିଲା ବୋଲି ବିକ୍ରମ କହିଥିବା ବେଳେ ପହଲଗାମ୍ ହମଲାରେ ପାକିସ୍ତାନର ହାତ ରହିଛି ବୋଲି କହିଛନ୍ତି । ଏଥିସହ ଟିଆରଏଫ, ଲସ୍କର-ଏ-ତୋଏବାର ବି ସମ୍ପୃକ୍ତି ରହିଛି । ପାକିସ୍ତାନ ଆତଙ୍କୀଙ୍କ ପେଣ୍ଠସ୍ଥଳ ଭାବେ ପରିଚିତ । ଏଠାରେ ଆତଙ୍କବାଦୀମାନେ ଆଶ୍ରୟ ନିଅନ୍ତି, ପାକିସ୍ତାନ ପାଖରେ ଶରଣ ପଶନ୍ତି । ଆତଙ୍କୀ ଏବଂ ଆତଙ୍କବାଦୀଙ୍କୁ ପୋଷୁଥିବା ଦେଶକୁ ଜବାବ ଦିଆଯାଇଛି । ଆତଙ୍କବାଦୀଙ୍କ ଦମନ ଭାରତର ଅଧିକାର ବୋଲି ବିକ୍ରମ ମିଶ୍ରି କହିଛନ୍ତି ।