ଆଉ ପାକିସ୍ତାନରେ ଶୁଭିବନି ଭାରତୀୟ ସଙ୍ଗୀତ, ଗୀତ ଉପରେ ଲାଗିଲା କଟକଣା...

ନୂଆଦିଲ୍ଲୀ: ପାକିସ୍ତାନରେ ବ୍ୟାନ୍ ହେଲା ଭାରତୀୟ ସଙ୍ଗୀତ । ଭାରତୀୟ ଗୀତ ଉପରେ କଟକଣା ଲଗାଇଲା ପାକିସ୍ତାନ । ଏଫଏମ ରେଡିଓରେ ବାଜିବନି ଭାରତୀୟ ଗୀତ । ଭାରତର ଗୀତ ପାକିସ୍ତାନରେ ବ୍ୟାନ ନେଇ ପାକିସ୍ତାନ ବ୍ରଡକାଷ୍ଟର୍ସ ଆସୋସିଏସନର ନିଷ୍ପତ୍ତି । 

ଭାରତୀୟ ଗୀତ ବିଶେଷକରି ଲତା ମଙ୍ଗେସକର, ମହମ୍ମଦ ରଫି, କିଶୋର କୁମାରଙ୍କ ଭଳି ମହାନ କିମ୍ବଦନ୍ତୀ କଣ୍ଠଶିଳ୍ପୀଙ୍କ ଗୀତଗୁଡ଼ିକ ପାକିସ୍ତାନୀମାନଙ୍କ ମଧ୍ୟରେ ଲୋକପ୍ରିୟ ହୋଇଥିବାରୁ ଏହାକୁ ପ୍ରତିଦିନ ପାକିସ୍ତାନର ଏଫଏମ ରେଡିଓ ଷ୍ଟେସନଗୁଡ଼ିକ ଦ୍ୱାରା ବଜାଇ ଦିଆଯାଏ । ତେଣୁ ଏବେ ଏସବୁ ଗୀତ ଉପରେ କଟକଣା ଲଗାଇଯାଇଛି ।

ପହଲଗାମ୍ ଆତଙ୍କୀ ହମଲାର ପ୍ରତିଶୋଧ ନେବାକୁ ପାକିସ୍ତାନ ଉପରେ ଆକ୍ସନ ନେଉଥିବା ଭାରତ । ପାକିସ୍ତାନୀ କଳାକାରଙ୍କୁ ବ୍ୟାନ କରିବା ସହ ସେମାନଙ୍କୁ ୟୁଟ୍ୟୁବ, ଇନଷ୍ଟାଗ୍ରାମ ଏବଂ ଅନ୍ୟ ସୋସିଆଲ ମିଡିଆକୁ ଭାରତରେ ବ୍ୟାନ୍ କରାଯାଇଛି । ଏଥିସହ ବିଭିନ୍ନ ଖେଳାଳୀଙ୍କ ଉପରେ ବି ଆକ୍ସନ ନିଆଯାଇଛି । ଯେଉଁଥିରେ ବିଳିବିଳେଇ ହୋଇ ପାକିସ୍ତାନ ଭାରତୀୟ ଗୀତ ଉପରେ କଟକଣା ଲଗାଇଛି ।