ପାକିସ୍ତାନକୁ ଘାରିଛି ଆକ୍ରମଣ ଭୟ: ଲାହୋର-କରାଚିରେ ଏୟାରସ୍ପେସ୍ ବନ୍ଦ

ଇସଲାମାବାଦ: ଘନଉଛି ଯୁଦ୍ଧ ସ୍ଥିତି ।  ଭାରତରେ ଆକ୍ସନ ହେଲେ ପାକିସ୍ତାନରେ ଦେଖିବାକୁ ମିଳୁଛି ହଲଚଲ । ଗତକାଲି ଭାରତ ପାକିସ୍ତାନ ପାଇଁ ଏୟାର ସ୍ପେସ୍ ବନ୍ଦ କରିବା ପରେ ଆଜି ନିଜ ସୁରକ୍ଷାକୁ ଦୃଷ୍ଟିରେ ରଖି ପାକିସ୍ତାନ ଲାହୋର-କରାଚିରେ ଏୟାର ସ୍ପେସକୁ ବନ୍ଦ କରିଛି ।

ତେବେ ମେ’ ୧ରୁ ମେ’ ୩୧ରୁ ଯାଏଁ  ଭୋର ୪ଟାରୁ ସକାଳ ୮ଟା ପର୍ଯ୍ଯନ୍ତ ଏୟାର ସ୍ପେସ୍ ବନ୍ଦ ରହିବାକୁ ନିର୍ଦ୍ଦେଶ ଜାରି ହୋଇଛି । ପୂର୍ବରୁ ଭାରତ ପାଇଁ ପାକିସ୍ତାନ ନିଜର ସମସ୍ତ ଏୟାର ସ୍ପେସ୍ ବନ୍ଦ କରିଥିବା ବେଳେ ଗତକାଲି ଭାରତ ପାକିସ୍ତାନ ପାଇଁ ଏୟାର ସ୍ପେସ୍ ବନ୍ଦ କରିଛି ।

ପହଲଗାମ୍ ଆତଙ୍କୀ ହମଲା ପରେ ପାକିସ୍ତାନକୁ ପୁଣି ପାନେ ଦେଇଛି ଭାରତ । ପହଲଗାମ୍ ଆତଙ୍କୀ ହମଲାର ପ୍ରତିଶୋଧ ନେବାକୁ ପାକିସ୍ତାନ ଉପରେ ପୁଣି ପ୍ରହାର ପକାଇ ଗତକାଲି ପାକିସ୍ତାନର ସବୁ ଉଡାଣ ଉପରେ କଟକଣା ଲଗାଇଛି । ଯାହା ଫଳରେ ଭାରତ ଉପର ଦେଇ ଉଡିପାରିବନି କୌଣସି ବି ପାକିସ୍ତାନ ବିମାନ । ମେ ୨୩ ଯାଏଁ ଏୟାରସ୍ପେସ୍ ବନ୍ଦ ରଖିଛି ଭାରତ ।