ଶବ୍ଦତୋଡ଼ା : ନବଦ୍ୱାର
ମଣିଷର ଶରୀରକୁ ନେଇ କେତେ କେତେ ଉପମା ଦିଆଯାଇଛି। କିଏ ରଥ ସହିତ ତୁଳନା କରିଛି ତ କିଏ ବୃକ୍ଷ ସହିତ ତୁଳନା କରିଛି। ପଣ୍ଡିତମାନେ ତ ଆଉ ପାଦେ ଆଗେଇଯାଇ ମଣିଷର ଦେହକୁ ସ୍ୱର୍ଗ ଓ ନରକର ସମ୍ମିଶ୍ରଣ ବୋଲି କହିଛନ୍ତି। ଏଇ ଦେହରେ ମଣିଷ ସ୍ୱର୍ଗ ସୁଖ ଲାଭ କରେ ପୁଣି ନରକର ଅନୁଭବ ପାଏ। ଏ ସବୁ କଳ୍ପନାର କଥା।
Sambad is now on WhatsApp
Join and get latest news updates delivered to you via WhatsApp
ମାତ୍ର ଯେଉଁ ବାସ୍ତବ କଥାଟି ଶରୀରକୁ ନେଇ କୁହାଯାଇଛି, ତାହା ହେଲା ଯେ ମଣିଷର ଦେହ ଗୋଟାଏ ଘର। ସେଥିରେ ପ୍ରାଣ-ପକ୍ଷୀ ବାସ କରେ। ଏବଂ ସେ ଘରର ନଅଗୋଟି ଦ୍ୱାର ଅଛି। ସେଗୁଡ଼ିକ ହେଲା ଦୁଇ କାନ, ଦୁଇ ଆଖି, ଦୁଇ ନାକ ପୁଡ଼ା, ମୁହଁ, ମୂତ୍ରଦ୍ୱାର ଓ ମଳଦ୍ୱାର। ସଂସ୍କୃତରେ ମଳଦ୍ୱାରକୁ ପାୟୁ ଓ ମୂତ୍ରଦ୍ୱାରକୁ କୁହାଯାଏ ଉପସ୍ଥ। ଦେହର ନଅଗୋଟି ରନ୍ଧ୍ରକୁ କୁହାଯାଏ ‘ନବଦ୍ୱାର’।