କେନ୍ଦ୍ରମନ୍ତ୍ରୀଙ୍କ ଗସ୍ତକୁ ବିରୋଧ, ବିଜେଡି ଛାତ୍ର ସଂଗଠନ ଶତାଧିକ କର୍ମୀ ଅଟକ

ଭୁବନେଶ୍ୱର: ଓ୍ଵାଲଟିୟର ଡିଭିଜନ୍‌ ବିଭାଜନ ପ୍ରସଙ୍ଗରେ ବିଜୁ ଯୁବ ଛାତ୍ର ଜନତା ଦଳ ରବିବାର କେନ୍ଦ୍ରମନ୍ତ୍ରୀ ମନୋଜ ସିହ୍ନାଙ୍କ ଗସ୍ତକୁ ବିରୋଧ କରିଛି। ପ୍ରତିବାଦରେ ବିଜେଡି ଯୁବ ଛାତ୍ର ସଂଗଠନ ଦଳୀୟ କାର୍ଯ୍ୟାଳୟ ଠାରୁ ବାଇକ୍‌ ରାଲି କରିଛି। ଜୟଦେବ ବିହାର ଛକ ଠାରେ ଟାୟାର ଜାଳି ରାସ୍ତା ଅବରୋଧ କରୁଥିବା ବେଳେ ପୁଲିସ ଆକ୍ରୋଶର ଶିକାର ହୋଇଥିବା ଜଣାପଡ଼ିଛି।

ସୂଚନା ଅନୁସାରେ ରାଜଧାନୀର ଜୟଦେବ ବିହାର ଛକ ଠାରେ ବିଜୁ ଯୁବ ଛାତ୍ର ଜନତା ଦଳର କର୍ମୀମାନେ ବିକ୍ଷୋଭ ପ୍ରଦର୍ଶନ କରିଥିଲେ। ଦଳ ପକ୍ଷରୁ ଆୟୋଜିତ ବାଇକ ରାଲିକୁ ପୁଲିସ ଅଟକାଇଥିଲା। ଏହାକୁ ବିଜୁ ଯୁବ ଛାତ୍ର ଜନତା ଦଳ ବିରୋଧ କରିଥିଲା। ଫଳରେ ପୁଲିସ ଅନ୍ୟ ଉପାୟ ନପାଇ ପୂର୍ବତନ ମେୟରଙ୍କ ସମେତ ୨୦୦ ଜଣ କର୍ମୀଙ୍କୁ ଉଠାଇ ନେଇଛି।