ପ୍ରଚାର ମଇଦାନକୁ ଓହ୍ଲାଇଲେ ଅଭିନେତ୍ରୀ ଅମିଷା ପଟେଲ

ପାଟନା:  ବିହାରରେ ପ୍ରଥମ ପର୍ଯ୍ୟାୟରେ ୭୧ଟି ବିଧାନସଭା ଆସନ ପାଇଁ ନିର୍ବାଚନ ପ୍ରଚାର ଆଜି ‌ଶେଷ ହୋଇଯିବ। ବିହାରରେ ନେତାମାନଙ୍କର ଗୋଟିଏ ପରେ ଗୋଟିଏ ବଡବଡ ରାଲି, ଜନସଭା ଓ ରୋଡ ସୋ ଚାଲିଥିବା ବେଳେ ଅନ୍ୟ ଦିଗରେ ଗ୍ଲାମର ଦୁନିଆର ଷ୍ଟାରମାନେ ମଧ୍ୟ ପ୍ରଚାରକୁ ଓହ୍ଲାଇଛନ୍ତି ।

‘କହୋ ନା ପ୍ୟାର୍ ହୈ’ ଚଳଚ୍ଚିତ୍ରରେ ନଜର ଆସିଥିବା ବଲିଉଡ୍ ଅଭିନେତ୍ରୀ ଅମିଷା ପଟେଲ ଔରଙ୍ଗାବାଦର ଓବୋରା-ଦାଉଦନଗରରେ ରୋଡ୍ ସୋ କରିଛନ୍ତି । ବିଧାନସଭାରେ ଲୋକ ଜନଶକ୍ତି ପାର୍ଟି ବା ଏଲଜେପି ପ୍ରାର୍ଥୀଙ୍କ ପାଇଁ ଅମିଷା ପ୍ରଚାର କରିଛନ୍ତି ।

अमीषा पटेल

ଔରଙ୍ଗାବାଦର ଔବୋରା ବିଧାନସଭାରେ ଏଲଜେପି ପକ୍ଷରୁ ପ୍ରାର୍ଥୀ ହୋଇଛନ୍ତି ଡାକ୍ତର ପ୍ରକାଶ ଚନ୍ଦ୍ରା । ଅଭିନେତ୍ରୀ ଅମିଷା ସୋମବାର ସକାଳେ ବିମାନ ଯୋଗେ ପାଟନାରେ ପହଁଚିଥିଲେ । ବିମାନ ବନ୍ଦରରେ ମଧ୍ୟ ଏଲଜେପି ପକ୍ଷରୁ ତାଙ୍କୁ ସ୍ୱାଗତ କରାଯାଇଥିଲା । ଔରଙ୍ଗାବାଦ ଓ ଅରବଲର ସୀମାରେ ମଧ୍ୟ ଅମିଷା ପ୍ରଚାର କରିଥିଲେ ।

ଅମିଷା ସେଠାରୁ ଖୋଲା ଗାଡିରେ ବସି ପ୍ରଚାର କରିଥିଲେ । ଏହାସହ ଏଲଜେପି ପ୍ରାର୍ଥୀଙ୍କୁ ଜିତାଇବା ପାଇଁ ଲୋକଙ୍କୁ ଅପିଲ କରିଥିଲେ । ଅମିଷାଙ୍କର ଗୋଟିଏ ଝଲକ ପାଇବା ପାଇଁ ଲୋକମାନେ ମଧ୍ୟ ଗହଳି ଜମାଇଥିଲେ। କିଛି ମହିଳା ଅମିଷାଙ୍କୁ ଫୁଲମାଳ ପିନ୍ଧାଇ ସ୍ବାଗତ କରିବା ସହିତ ସିଧାସଳଖ ତାଙ୍କୁ ଦେଖିବାର ସୁଯୋଗ ପାଇଥିବାରୁ ଖୁସି ହୋଇଯାଇଥିଲେ।

ସମ୍ବନ୍ଧିତ ଖବର

Comments are closed.