ନୂଆଦିଲ୍ଲୀ: ନିର୍ବାଚନ ପୂର୍ବରୁ କଂଗ୍ରେସକୁ ଝଟକା ଲାଗିଛି । ଦିଲ୍ଲୀ କଂଗ୍ରେସର ପୂର୍ବତନ ଅଧ୍ୟକ୍ଷ ଅରବିନ୍ଦର ସିଂହ ଲଭଲି ଶନିବାର ଭାରତୀୟ ଜନତା ପାର୍ଟିରେ ଯୋଗ ଦେଇଛନ୍ତି। ଲଭଲିଙ୍କ ସହ ପୂର୍ବତନ ବିଧାୟକ ନୀରଜ ବସୋୟା ଓ ନସିବ ସିଂହ ଏବଂ ପୂର୍ବତନ ମନ୍ତ୍ରୀ ରାଜ କୁମାର ଚୌହାନ ମଧ୍ୟ ବିଜେପିରେ ଯୋଗ ଦେଇଛନ୍ତି। ଉଭୟ ଅରବିନ୍ଦର ଲଭଲି ଏବଂ ରାଜ କୁମାର ଚୌହାନ ଶୀଲା ଦୀକ୍ଷିତ ସରକାରରେ ମନ୍ତ୍ରୀ ଥିଲେ।
Sambad is now on WhatsApp
Join and get latest news updates delivered to you via WhatsApp
କଂଗ୍ରେସ ନେତା ଅରବିନ୍ଦର ସିଂ ଲଭଲି ଏପ୍ରିଲ ୨୮ ରେ କଂଗ୍ରେସର ଦିଲ୍ଲୀ ୟୁନିଟର ସଭାପତି ପଦରୁ ଇସ୍ତଫା ଦେଇଥିଲେ । କଂଗ୍ରେସ ଅଧ୍ୟକ୍ଷ ମଲ୍ଲିକାର୍ଜୁନ ଖଡଗେଙ୍କୁ ଲେଖିଥିବା ଚିଠିରେ ଲଭଲି କହିଛନ୍ତି ଯେ ସେ ଦଳର ଦିଲ୍ଲୀ ୟୁନିଟର ସଭାପତି ପଦରେ ରହିପାରିବେ ନାହିଁ। ଶୀଲା ଦୀକ୍ଷିତ ସରକାରରେ ମନ୍ତ୍ରୀ ଥିବା ଲଭଲିଙ୍କୁ ଗତ ବର୍ଷ ଅଗଷ୍ଟରେ ଦିଲ୍ଲୀ କଂଗ୍ରେସ ମୁଖ୍ୟ ଭାବେ ନିଯୁକ୍ତ କରାଯାଇଥିଲା।
ଖାର୍ଗେଙ୍କୁ ଲେଖିଥିବା ଚିଠିରେ ସେ ଲେଖିଛନ୍ତି, ସ୍ଥାନୀୟ କଂଗ୍ରେସ ପାର୍ଟି କର୍ମୀଙ୍କୁ ସାହାଯ୍ୟ କରିବା ର ଏକମାତ୍ର ଉଦ୍ଦେଶ୍ୟ ରେ ମୁଁ ଦିଲ୍ଲୀ ପ୍ରଦେଶ କଂଗ୍ରେସ କମିଟି (ଡିପିସିସି)ର ସଭାପତି ଭୂମିକାକୁ କୃତଜ୍ଞତାର ସହ ଗ୍ରହଣ କରିଛି, ଯେଉଁମାନଙ୍କ ସହିତ ମୋର ଅତ୍ୟନ୍ତ ଘନିଷ୍ଠ ଏବଂ ଆଜୀବନ ସମ୍ପର୍କ ରହିଛି।