ଲକ୍ଷ୍ନୌ : ଦ୍ୱିତୀୟ ପର୍ଯ୍ୟାୟ ନିର୍ବାଚନକୁ ଆଉ ମାତ୍ର ୩ ଦିନ ବାକି ରହିଥିବା ବେଳେ ସମାଜବାଦୀ ପାର୍ଟି ନେତା ଆଜମ୍ ଖାନ୍ ଓ ବିଜେପି ନେତ୍ରୀ ମାନେକା ଗାନ୍ଧୀଙ୍କୁ ଲାଗିଛି ବଡ ଝଟକା । ଆଜମ୍ ଓ ମାନେକାଙ୍କ ପ୍ରଚାର ଉପରେ ଲାଗିଛି କଟକଣା । ଆଜମ ଖାନ୍ ଆଗାମୀ ୭୨ ଘଣ୍ଟା ଅର୍ଥାତ ୩ଦିନ ପର୍ଯ୍ୟନ୍ତ ପ୍ରଚାର କରିପାରିବେ ନାହିଁ । ସେହିପରି ମାନେକା ଗାନ୍ଧି ୪୮ ଘଣ୍ଟା ଅର୍ଥାତ ୨ ଦିନ ପର୍ଯ୍ୟନ୍ତ ପ୍ରଚାର କରିପାରିବେ ନାହିଁ । ଉଭୟଙ୍କ ଉପରେ କଟକଣା ଲଗାଇଛନ୍ତି ନିର୍ବାଚନ କମିିଶନ । ନିର୍ବାଚନ ଆଚରଣ ସଂହିତା ଉଲ୍ଲଂଘନ କରିଥିବା ନେଇ ଏହି ଦୁଇ ନେତାଙ୍କ ଉପରେ ଲାଗିଛି ନିର୍ବାଚନ କମିଶନଙ୍କ ଚାବୁକ । ତେବେ ଏହି କଟକଣା ଆସନ୍ତାକାଲି ଅର୍ଥାତ ମଙ୍ଗଳାବାର ସକାଳ ୧୦ଟାରୁ ଲାଗୁ ହେବ ।
Sambad is now on WhatsApp
Join and get latest news updates delivered to you via WhatsApp
ପୂର୍ବରୁ ଉତ୍ତରପ୍ରଦେଶ ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥ ଏବଂ ବିଏସପି ସୁପ୍ରିମୋ ମାୟାବତୀଙ୍କ ଉପରେ କଟକଣା ଲଗାଇଛନ୍ତି ନିର୍ବାଚନ କମିଶନ। ନିର୍ବାଚନ ଯେତିକି ପାଖଉଛି, ନେତାଙ୍କ ତୁଣ୍ଡ ସେତିକି ହୁରୁଡୁଥିବା ଦେଖାଯାଉଛି । ଦ୍ୱିତୀୟ ପର୍ଯ୍ୟାୟ ନିର୍ବାଚନ ଆସନ୍ତା ୧୮ ତାରିଖରେ ହେବାକୁ ଯାଉଥିବା ବେଳେ ଏଥିରେ ଦେଶର ୯୭ଟି ଲୋକସଭା ଆସନରେ ଭୋଟ୍ ପଡିବ ।