ବିଜେପି ଅଧିକ କଥା କୁହେ, କାମ କମ୍‌ କରେ: ମୁଖ୍ୟମନ୍ତ୍ରୀ ନବୀନ

ଭୁବନେଶ୍ୱର: ରାଜ୍ୟ ସରକାର ଶୁକ୍ରବାର ଚାଷ ଓ ଚାଷୀଙ୍କ ଉନ୍ନତି ପାଇଁ ‘କାଳିଆ’ ଯୋଜନା ଆରମ୍ଭ କରିଛନ୍ତି। ଯୋଜନା ଅନୁସାରେ ସରକାର ୧୦ ହଜାର କୋଟି ଟଙ୍କା ଖର୍ଚ୍ଚ କରିବେ। ଯୋଜନାର ଘୋଷଣା ପରେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ବିଜେପି ଏବଂ କଂଗ୍ରେସକୁ କଡ଼ା ସମାଲୋଚନା କରିଛନ୍ତି। ନବୀନ କହିଛନ୍ତି, ଭାରତୀୟ ଜନତା ପାର୍ଟି ଅଧିକ କଥା କହୁଥିବା ବେଳେ କାମ କମ୍‌ କରିଥାଏ।

ସଂକ୍ଷେପରେ ‘କାଳିଆ’ ଯୋଜନା

-୩୦ ଲକ୍ଷ କ୍ଷୁଦ୍ର ଓ ମଧ୍ୟମ ଚାଷୀ ଯୋଜନାରୁ ଉପକୃତ ହେବେ
-ଜମି ମାଲିକ ବଦଳରେ ପ୍ରକୃତ ଚାଷୀଙ୍କୁ ଯୋଜନାରୁ ଉପକାର ମିଳିବ
-ବୟସ୍କ ଚାଷୀ ଏବଂ ଭୂମିହୀନ ଚାଷୀ ଶ୍ରମିକଙ୍କୁ ସହାୟତା ମିଳିବ
-ସରକାର ଜୀବିକା ନିର୍ବାହ ପାଇଁ ବର୍ଷକୁ ୧୦ ହଜାର ଟଙ୍କା ଦେବେ
-ଗ୍ରାମପଂଚାୟତ ସ୍ତରରେ ଚାଷୀମାନେ ଚିହ୍ନିତ ହେବେ
-୧୦ ଲକ୍ଷ ପରିବାର ପାଇଁ ୧୦୦୦ କୋଟି ଟଙ୍କା ଖର୍ଚ୍ଚ ହେବ
-ଚାଷୀ ଓ ଭୂମିହୀନ ଚାଷୀ ଶ୍ରମିକଙ୍କ ପାଇଁ ଜୀବନ ବୀମା ଘୋଷଣା
-୨ ଲକ୍ଷ ଟଙ୍କାର ବୀମା ସହ ୨ ଲକ୍ଷ ଟଙ୍କାର ଦୁର୍ଘଟଣା ବୀମା

୨୦୧୪ ଇସ୍ତାହାରରେ ବିଜେପି ଓଡ଼ିଶାକୁ ସ୍ୱତନ୍ତ୍ର ରାଜ୍ୟପାହ୍ୟା ମାନ୍ୟତା ଦେବାକୁ ପ୍ରତିଶ୍ରୁତି ଦେଇଥିଲା। ମାତ୍ର ବିଜେପି ନିଜେ ଦେଇଥିବା ପ୍ରତିଶ୍ରୁତି ପୂରଣ କରି ପାରି ନାହିଁ। ସେହିଭଳି କଂଗ୍ରେସର ଋଣଛାଡ଼ କରିବା କହିବା ହାସ୍ୟସ୍ପଦ ବୋଲି ନବୀନ କହିଛନ୍ତି। କୃଷିଋଣ ଠାରୁ କାଳିଆ ଯୋଜନା ବହୁତ ଭଲ। ବର୍ଷ ୧୯୯୫ ଠାରୁ ୧୯୯୯ ଯାଏଁ ଦେଶ ଋଣଗ୍ରସ୍ତ ହୋଇଥିଲା। କଂଗ୍ରେସ ଅତୀତରେ କିଛି କରି ନଥିଲା, ଆଗକୁ ମଧ୍ୟ କିଛି କରିପାରିବ ନାହିଁ।