ଏହି କୋଟିପତି ଚା ବିକ୍ରେତାଙ୍କୁ ମିଳିଲା ବିଜେପି ଟିକେଟ

ଶିମଲା: ନଭେମ୍ବର ୧୨ ରେ ହିମାଚଳ ପ୍ରଦେଶର ସମସ୍ତ ୬୮ଟି ଆସନରେ ଗୋଟିଏ ପର୍ଯ୍ୟାୟରେ ଭୋଟ ଗ୍ରହଣ କରାଯିବ | ଏଥିପାଇଁ ପ୍ରାର୍ଥୀମାନେ ସେମାନଙ୍କ ନାମାଙ୍କନପତ୍ର ଦାଖଲ କରିଛନ୍ତି। ଏହି ସମୟରେ ଜଣେ ବିଜେପି ପ୍ରାର୍ଥୀଙ୍କ ବିଷୟରେ ଅନେକ ଆଲୋଚନା ହେଉଛି। ବାସ୍ତବରେ, ଏହି ପ୍ରାର୍ଥୀ ଜଣେ ଚା ବିକ୍ରେତା ହୋଇଥିବାବେଳେ ସେ ହେଉଛନ୍ତି କୋଟିପତି | ଶିମଲା ଆସନରୁ ବିଜେପିର ପ୍ରାର୍ଥୀ ସଞ୍ଜୟ ସୁଦ ତାଙ୍କର ଏବଂ ପତ୍ନୀଙ୍କର ମୋଟ ସମ୍ପତ୍ତି ୨.୭ କୋଟି ବୋଲି ଘୋଷଣା କରିଛନ୍ତି। ଏଥିମଧ୍ୟରୁ ସୁଦଙ୍କର ୧.୪୫ କୋଟି ଟଙ୍କା ମୂଲ୍ୟର ଅସ୍ଥାବର ସମ୍ପତ୍ତି ଥିବାବେଳେ ସ୍ଥାବର ସମ୍ପତ୍ତିର ମୂଲ୍ୟ ୫୪ ଲକ୍ଷ ଟଙ୍କା ରହିଛି। ତାଙ୍କ ପତ୍ନୀଙ୍କ ପାଖରେ ୪୬ ଲକ୍ଷ ଟଙ୍କା ମୂଲ୍ୟର ଅସ୍ଥାବର ସମ୍ପତ୍ତି ଏବଂ ୨୫ ଲକ୍ଷ ଟଙ୍କା ମୂଲ୍ୟର ସ୍ଥାବର ସମ୍ପତ୍ତି ଥିବାର ସେ ଘୋଷଣା କରିଛନ୍ତି | କୋଟିପତି ପ୍ରାର୍ଥୀ ସଞ୍ଜୟଙ୍କୁ ଦଳ ମନ୍ତ୍ରୀ ସୁରେଶ ଭରଦ୍ୱାଜଙ୍କ ସ୍ଥାନରେ ପ୍ରାର୍ଥୀ କରିଛି |

ଶିମଲା ଆସନରୁ କ୍ରମାଗତ ଚାରିଟି ନିର୍ବାଚନରେ ​​ପ୍ରତିଦ୍ୱନ୍ଦ୍ୱିତା କରିଛନ୍ତି ସୁରେଶ। ତାଙ୍କୁ ଏଥର କାସୁସମତିରୁ ଟିକେଟ ଦିଆଯାଇଛି। ମିଳିଥିବା ସୂଚନା ମୁତାବକ ସଞ୍ଜୟ ୧୯୯୧ ମସିହାରୁ ଏକ ଚା ଷ୍ଟଲ୍ ଚଳାଉଛନ୍ତି। ଏହାପୂର୍ବରୁ ସେ ବସ୍ ଷ୍ଟାଣ୍ଡରେ ଖବରକାଗଜ ବିକ୍ରୟ କାମ ମଧ୍ୟ କରୁଥିଲେ। ତେବେ କେବଳ ବିଜେପି ନୁହେଁ ସଞ୍ଜୟଙ୍କ ବିପକ୍ଷରେ କଂଗ୍ରେସ ମଧ୍ୟ ଜଣେ କଟୀପତିଙ୍କୁ ପ୍ରାର୍ଥୀ କରିଛି | ଏଠାରୁ କଂଗ୍ରେସ ହରିଶଙ୍କୁ ଟିକେଟ୍ ଦେଇଛି | ହରିଶଙ୍କର ୪.୭ କୋଟି ଟଙ୍କା ମୂଲ୍ୟର ସ୍ଥାବର ତଥା ଅସ୍ଥାବର ସମ୍ପତ୍ତି ରହିଛି।

ତେବେ ବର୍ତ୍ତମାନ ସମସ୍ତେ ସଞ୍ଜୟଙ୍କୁ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ସହ ତୁଳନା କରୁଛନ୍ତି | କାରଣ ଅତୀତରେ ମୋଦୀ ମଧ୍ୟ ଚା ବିକ୍ରି କରୁଥିଲେ | ସେ ଏବଂ ତାଙ୍କ ପିତା ଦାମୋଦର ଦାସ ମୋଦୀ ଗୁଜୁରାଟର ଏକ ରେଳ ଷ୍ଟେସନରେ ଦୀର୍ଘ ବର୍ଷ ଧରି ଚା ବିକ୍ରି କରିଥିଲେ। ପିଲାଦିନକୁ ଅତ୍ୟଧିକ ଦାରିଦ୍ର୍ୟରେ ଜୀବନ କାଟିଥିବା ମୋଦୀ ବହୁ ସଂଘର୍ଷ ଏବଂ ପରିଶ୍ରମ ପରେ ପ୍ରଧାନମନ୍ତ୍ରୀ ପଦରେ ପହଞ୍ଚିଛନ୍ତି। ସଞ୍ଜୟ କହିଛନ୍ତି ଯେ ଏବିଭିପିରେ ଯୋଗଦେବା ସହ ରାଜନୀତି ଆରମ୍ଭ ହୋଇଛି। ସେ ଦୁଇଥର କାଉନସିଲର ମଧ୍ୟ ରହିଛନ୍ତି। ୨୦୦୭ ମସିହାରେ, ସେ ପ୍ରଥମ ଥର ପାଇଁ ବିଜେପି ଟିକେଟରେ କାଉନସିଲର ନିର୍ବାଚନରେ ​​ଜିତିଥିଲେ ଏବଂ ବର୍ତ୍ତମାନ ସେ ହିମାଚଳ ବିଜେପିର କୋଷାଧ୍ୟକ୍ଷ ଅଛନ୍ତି ।