ପଶ୍ଚିମବଙ୍ଗରେ ବିଜେପି ରଥଯାତ୍ରା ଉପରେ ରୋକ : ହାଇକୋର୍ଟଙ୍କ ରାୟ ବିରୋଧରେ ସୁପ୍ରିମକୋର୍ଟଙ୍କ ଦ୍ୱାରସ୍ଥ ହେବ ବିଜେପି
ନୂଆଦିଲ୍ଲୀ : ପଶ୍ଚିମବଙ୍ଗରେ ବିଜେପିର ପ୍ରସ୍ତାବିତ ରଥଯାତ୍ରା ଆୟୋଜନ ଉପରେ କାଲକାଟା ହାଇକୋର୍ଟ ଅନୁମତି ଦେବାକୁ ମନା କରିବା ପରେ ଏହି ରାୟକୁ ଚ୍ୟାଲେଞ୍ଜ କରି ବିଜେପି ସୁପ୍ରିମକୋର୍ଟଙ୍କ ଦ୍ୱାରସ୍ଥ ହେବାକୁ ନିଷ୍ପତ୍ତି ନେଇଛି । ଆସନ୍ତା ସୋମବାରଦିନ ସୁପ୍ରିମକୋର୍ଟଙ୍କ ଅବସରକାଳୀନ ବେଞ୍ଚରେ ଏହି ଆବେଦନ କରାଯିବ ।
Sambad is now on WhatsApp
Join and get latest news updates delivered to you via WhatsApp
ଗତ ଗୁରୁବାରଦିନ କାଲକାଟା ହାଇକୋର୍ଟଙ୍କ ଜଣିକିଆ ଖଣ୍ଡପୀଠ ଯାତ୍ରା ଆୟୋଜନ ପାଇଁ ବିଜେପିକୁ ଅନୁମତି ଦେଇଥିବାବେଳେ ଏହି ରାୟକୁ ଗତକାଲି (ଶୁକ୍ରବାର) ହାଇକୋର୍ଟ ମୁଖ୍ୟ ବିଚାରପତିଙ୍କ ଖଣ୍ଡପୀଠ ଖାରଜ କରିଦେଇଥିଲେ । ଡିଭିଜନ୍ ବେଞ୍ଚ୍ ମାମଲାର ପୁନର୍ବିଚାର ପାଇଁ ଏହାକୁ ପୁଣି ଜଣିକିଆ ବେଞ୍ଚ୍କୁ ପଠାଇ ଦେଇଛନ୍ତି। ଫଳରେ ବିଜେପିର ପ୍ରସ୍ତାବିତ ରଥଯାତ୍ରା ନେଇ ଅନିଶ୍ଚିତତା ଦେଖିବାକୁ ମିଳିଛି। ପଶ୍ଚିମବଙ୍ଗ ସରକାର ଗତକାଲିର ହାଇକୋର୍ଟ ରାୟକୁ ବିରୋଧ କରି ଡିଭିଜନ୍ ବେଞ୍ଚ୍ରେ ଚାଲେଞ୍ଜ କରିଥିଲେ। ମୁଖ୍ୟ ବିଚାରପତି ଦେବାଶିଷ କାର୍ଗୁପ୍ତା ଏବଂ ଜଷ୍ଟିସ୍ ଏସ୍ ସରକାରଙ୍କ ଖଣ୍ଡପୀଠ ପୂର୍ବ ରାୟକୁ ଖାରଜ କରି ମାମଲାକୁ ପୁଣି ଜଣିକିଆ ବେଞ୍ଚ୍କୁ ପଠାଇ ଦେଇଛନ୍ତି। ପଶ୍ଚିମବଙ୍ଗ ସରକାର ବିଜେପିକୁ ରୋକିବାପାଇଁ ଆକ୍ରୋଶମୂଳକ ଭାବେ ପଦକ୍ଷେପ ନେଉଛନ୍ତି ବୋଲି ରାଜ୍ୟ ବିଜେପି ନେତାମାନେ କହିଛନ୍ତି।