ଗାନ୍ଧିନଗର : ଗୁଜୁରାଟ ବିଧାନସଭାରେ ବିଜେପିର ସିଟ ସଂଖ୍ୟା ୧୦୦ରେ ପହଞ୍ଚିଛି । ନିକଟରେ ଅନୁଷ୍ଠିତ ଜସଦେନ ବିଧାନସଭା ଉପ-ନିର୍ବାଚନରେ ବିଜେପି ବିଜୟୀ ହୋଇଛି । ବିଜେପି ପ୍ରାର୍ଥୀ କୁନଭର୍ଜି ବାଭାଲିଆ ନିଜର ନିକଟତମ ପ୍ରାର୍ଥୀ ଅବସର ନକିଆଙ୍କୁ ୧୯,୯୭୯ ଭୋଟ ବ୍ୟବଧାନରେ ପରାସ୍ତ କରିଛନ୍ତି ।
Sambad is now on WhatsApp
Join and get latest news updates delivered to you via WhatsApp
୨୦୧୭ ଡିସେମ୍ବରରେ ହୋଇଥିବା ୧୮୨ ଆସନ ବିଶିଷ୍ଟ ଗୁଜୁରାଟ ବିଧାନସଭା ନିର୍ବାଚନରେ ବିଜେପି ୯୯ଟି ଆସନରେ ଜିତି ସରକାର ଗଢିଥିବାବେଳେ କଂଗ୍ରେସ ୭୭ଟି ଆସନ ଜିତିଥିଲା । କିନ୍ତୁ ଏହି ବିଜୟ ପରେ ସଦନରେ ବିଜେପିର ସଦସ୍ୟସଂଖ୍ୟା ୧୦୦କୁ ବୃଦ୍ଧି ପାଇଥିବାବେଳେ ଓ କଂଗ୍ରେସ ସଦସ୍ୟ ସଂଖ୍ୟା ୭୬କୁ ହ୍ରାସ ପାଇଛି । ମଜାକଥା ହେଉଛି ବିଜୟୀ ବିଜେପି ପ୍ରାର୍ଥୀ କୁନଭର୍ଜି ବାଭାଲିଆ ଗତ ବର୍ଷ କଂଗ୍ରେସ ଟିକଟରେ ଲଢି ଏହି ଆସନରେ ବିଜୟୀ ହୋଇଥିଲେ । ଗତ ଜୁଲାଇ ୨ରେ ସେ କଂଗ୍ରେସ ଛାଡି ବିଜେପିରେ ମିଶିବା ସହ ଜସଦେନ ଆସନରୁ ମଧ୍ୟ ଇସ୍ତଫା ଦେଇଥିଲେ । ଏହା ପରେ ଗତ ୨୦ ତାରିଖରେ ଉପନିର୍ବାଚନ ହୋଇଥିଲା ।