ବିଧାନସଭାରେ ହାରିବା ପରେ ରାଜସ୍ଥାନର ଏହି ନିର୍ବାଚନରେ ବିଜେପିର ବିଶାଳ ବିଜୟ, ୧୪ରୁ ମିଳିଲା ୮ ଆସନ
ଜୟପୁର: ନିକଟରେ ରାଜସ୍ଥାନ ବିଧାନସଭାରେ ହାରିବା ପରେ ବିଜେପିକୁ ପଂଚାୟତ ସମିତି ଏବଂ ଜିଲ୍ଲା ପରିଷଦ ଉପ-ନିର୍ବାଚନରେ ବିପୁଳ ବିଜୟ ମିଳିଛି। ରାଜସ୍ଥାନରେ ୧୩ ପଂଚାୟତ ସମିତି ସଭ୍ୟ ଏବଂ ଗୋଟିଏ ଜିଲ୍ଲା ପରିଷଦ ପାଇଁ ଉପ-ନିର୍ବାଚନ ହୋଇଥିଲା। ଭାରତୀୟ ଜନତା ପାର୍ଟିକୁ ୭ ପଂଚାୟତ ସମିତି ଓ ଏକ ଜିଲ୍ଲା ପରିଷଦ ଆସନରେ ବିଜୟ ମିଳିଛି।
Sambad is now on WhatsApp
Join and get latest news updates delivered to you via WhatsApp
ରାଜ୍ୟ ନିର୍ବାଚନ ଆୟୋଗ ତରଫରୁ ରବିବାର ଘୋଷିତ ୧୩ ପଂଚାୟତ ସମିତି ସଭ୍ୟ ଏବଂ ଗୋଟିଏ ଜିଲ୍ଲା ପରିଷଦ ଉପ-ନିର୍ବାଚନରେ ୭ ପଂଚାୟତ ସମିତିରେ ବିଜେପି, ୫ରେ କଂଗ୍ରେସ ଓ ଗୋଟିଏରେ ସ୍ୱାଧୀନ ପ୍ରାର୍ଥୀ ବିଜୟୀ ହୋଇଛନ୍ତି। ଜିଲ୍ଲା ପରିଷଦ ଉପ-ନିର୍ବାଚନରେ ବିଜେପି ଜିତିଛି ବୋଲି ନିର୍ବାଚନ ଆୟୋଗ ବୟାନରେ କହିଛି।
ରାଜ୍ୟରେ ସମସ୍ତ ଆସନରେ ଉପ-ନିର୍ବାଚନ ପାଇଁ ଡିସେମ୍ବର ୨୮ରେ ଇଲେକଟ୍ରୋନିକ୍ ଭୋଟିଂ ମେସିନ ମାଧ୍ୟମରେ ଭୋଟିଂ କରାଯାଇଥିଲା। ନିକଟରେ ବିଧାନସଭା ନିର୍ବାଚନରେ ବିଜେପିକୁ ୭୩ ଆସନ ମିଳିଥିବା ବେଳେ କଂଗ୍ରେସକୁ ୯୯ ଆସନ ମିଳିଥିଲା।