ଆହା କି ସୁନ୍ଦର ରାଜନୀତି ! ପିଠା କାର୍ଯ୍ୟକ୍ରମ ତୋରଣରେ ମୁଖ୍ୟମନ୍ତ୍ରୀଙ୍କ ଫଟୋ ସହ ଲାଗିଛି କଂଗ୍ରେସ ବିଧାୟକଙ୍କ ଫଟୋ

ସୂଚନାଯୋଗ୍ୟ, ଗତ ୨୯ ତାରିଖରେ ପଦଯାତ୍ରାରେ ଏହାର ଝଲକ ଦେଖିବାକୁ ମିଳିଥିଲା । ବିନା ଦଳୀୟ ପତାକାରେ ଏକ ବିରାଟ ପଦଯାତ୍ରା ଆୟୋଜନ କରିଥିଲେ ସାଲେପୁର ବିଧାୟକ । ପଦଯାତ୍ରା ମାଧ୍ୟମରେ  ଦଳୀୟ ଲୋକପ୍ରିୟତା  ଅପେକ୍ଷା ତାଙ୍କର ଲୋକପ୍ରିୟତା ଅଧିକ ବୋଲି ପରୋକ୍ଷରେ ଦର୍ଶାଇ ଥିଲେ ପ୍ରକାଶ । ତେବେ ନିକଟରେ ଦେଖିବାକୁ ମିଳିଥିବା ପୋଷ୍ଟରରୁ ମିଶ୍ରଣ ରାଜନୀତିର ଗନ୍ଧ ବାରି ହେଉଛି । ତେବେ ଏବେ ବି ସିଧାସଳଖ କିଛି କହିବା ପାଇଁ ନାରାଜ ସାଲେପୁର ବିଧାୟକ ।

ଗୋଟିଏ ପଟେ କଂଗ୍ରେସ ତା’ର ସମସ୍ତ ବିଧାୟକଙ୍କୁ ଟିକେଟ ମିଳିବା ନେଇ ଘୋଷଣା କରିଥିବା ବେଳେ ପ୍ରକାଶ ବେହେରା ମଧ୍ୟ ଏହି ତାଲିକାରେ ସାମିଲ ଅଛନ୍ତି । ଅର୍ଥାତ କଂଗ୍ରେସ ଟିକେଟରୁ ପ୍ରକାଶ ବେହେରା ଏକରକମ ଲଢ଼ିବା ସ୍ଥିର ହୋଇଯାଇଥିବା ବେଳେ ପ୍ରକାଶ କିନ୍ତୁ କେଉଁଠୁ ଲଢ଼ିବେ ସେନେଇ କିଛି ସ୍ପଷ୍ଟ କରି ନ ଥିଲେ । ସେ ନେଇ ରାଜ୍ୟ ରାଜନୀତିରେ ସସପେନ୍ସ ବଢ଼ିବାରେ ଲାଗିଥିଲା । ଏପରିସ୍ଥଳେ ନବୀନ ପଟ୍ଟନାୟକଙ୍କ ସହ ପ୍ରକାଶ ବେହେରାଙ୍କ ଫଟୋ ସ୍ପଷ୍ଟଭାବେ ଆଗାମୀ ମିଶ୍ରଣର ସଙ୍କେତ ଦେଉଛି ।