ଇଲେକ୍ଟ୍ରୋନିକ ଭୋଟିଂ ମେସିନ ଏକ ଚୋର ମେସିନ : ଫାରୁକ ଅବଦୁଲ୍ଲା
କୋଲକତା : ଜାମ୍ମୁ ଓ କାଶ୍ମୀରର ପୂର୍ବତନ ମୁଖ୍ୟମନ୍ତ୍ରୀ ଫାରୁକ ଅବଦୁଲ୍ଲା କହିଛନ୍ତି ଯେ ଇଲେକ୍ଟ୍ରୋନିକ ଭୋଟିଂ ମେସିନ ବା ଇଭିଏମ ଏକ ଚୋର ମେସିନ । ଏଥିରେ କୌଣସି ସ୍ୱଚ୍ଛତା ନାହିଁ । ବିଶ୍ୱର କୌଣସି ଦେଶରେ ଏହି ମେସିନକୁ ବ୍ୟବହାର କରୁନାହାନ୍ତି । ଭାରତୀୟ ନିର୍ବାଚନରେ ସ୍ୱଚ୍ଚତା ଆଣିବା ପାଇଁ ବିରୋଧୀ ଦଳମାନେ ବାଲଟ ବାକ୍ସ ବ୍ୟବସ୍ଥାକୁ ପୁଣି ଲାଗୁ କରିବାକୁ ନିର୍ବାଚନ ଆୟୋଗ ନିକଟରେ ଦାବି କରନ୍ତୁ ବୋଲି ସେ ଏଠାରେ ଅନୁଷ୍ଠିତ ବିରୋଧୀ ଦଳଙ୍କ ମହାମେଳି ଅବସରରେ କହିଛନ୍ତି ।
Sambad is now on WhatsApp
Join and get latest news updates delivered to you via WhatsApp
ସେ କହିଛନ୍ତି ଯେ ଏହି ମହାମେଳିର ଉଦ୍ଦେଶ୍ୟ ଗୋଟିଏ ଗୋଟିଏ ଲୋକକୁ (ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କୁ ଲକ୍ଷ୍ୟ କରି) ହଟାଇବା ନୁହେଁ, ବରଂ ବହୁ କଷ୍ଟରେ ମିଳିଥିବା ସ୍ୱାଧୀନତାକୁ ବଞ୍ଚାଇବା । ସେ ଜାମ୍ମୁ ଓ କାଶ୍ମୀରର ପରିସ୍ଥିତି ପାଇଁ ବିଜେପିକୁ ଦୋଷ ଦେଇଛନ୍ତି । ସେ କହିଛନ୍ତି ଯେ ବିଜେପି ଲୋକମାନଙ୍କୁ ଜାତି ଓ ଧର୍ମ ଭିତ୍ତିରେ ଭାଗ ଭାଗ କରୁଛି ।