ତୁମ ଇଚ୍ଛା ଅନୁସାରେ ଭୋଟ୍ ଦେଉଥିବା ସ୍ୱାମୀଙ୍କୁ ଖାଇବାକୁ ଦିଅ, ନଚେତ୍ ସେମାନଙ୍କୁ ଉପାସ ରଖ: ମହିଳାଙ୍କୁ କହିଲେ ବିହାର ମୁଖ୍ୟମନ୍ତ୍ରୀ ନୀତିଶ କୁମାର
ପଟନା: ବୁଧବାର ଦିନ ମଧୁବନୀ ଠାରେ ଲୋକସଭା ନିର୍ବାଚନ ପ୍ରଚାର ଅଭିଯାନରେ ବିହାରର ମୁଖ୍ୟମନ୍ତ୍ରୀ ଓ ଜନତା ଦଳ (ୟୁନାଟେଡ୍)ର ମୁଖ୍ୟ ନୀତିଶ କୁମାର ମହିଳା ଭୋଟରମାନଙ୍କୁ ସମ୍ବୋଧନ କରି କହିଛନ୍ତି, ଯଦି ଘରର ମଣିଷମାନେ ତୁମମାନଙ୍କ କଥା ଅନୁସାରେ ଭୋଟ୍ ଦିଅନ୍ତି, ସେମାନଙ୍କୁ ଶ୍ରଦ୍ଧାର ସହ ଖାଇବାକୁ ଦିଅ। ଯଦି ସେମାନେ ତୁମମାନଙ୍କ କଥାନୁସାରେ ଭୋଟ୍ ଦେବାରେ ବିଫଳ ହୁଅନ୍ତି ସେମାନଙ୍କୁ ଦିନ ତମାମ ଉପବାସ ରଖ।
ଏ ଭଳି ମନ୍ତବ୍ୟ ଦେବାବେଳେ ନୀତିଶ ଭାରତୀୟ ଜନତା ପାର୍ଟିର ସାଂସଦ ହୁକୁମଦେଓ ନାରାୟଣ ଯାଦବଙ୍କ ପୁତ୍ର ଏନ୍ଡିଏ ପ୍ରାର୍ଥୀ ଅଶୋକ ଯାଦବ ପାଇଁ ପ୍ରଚାର ଚଳାଇଥିଲେ। ବଡ଼ି ସକାଳୁ ଭୋଟ୍ ଦେବା ପାଇଁ ବିହାର ମୁଖ୍ୟମନ୍ତ୍ରୀ ମହିଳାମାନଙ୍କୁ କହିଛନ୍ତି।
ମହିଳା ଭୋଟ୍ ବ୍ୟାଙ୍କ୍ ସୃଷ୍ଟି କରିବାକୁ ନୀତିଶ କେତେଗୁଡ଼ିଏ ଯୋଜନା କରିଛନ୍ତି ଯେମିତି ଛାତ୍ରୀମାନଙ୍କ ପାଇଁ ସାଇକେଲ୍, ମଦ ନିଷିଦ୍ଧ, ମୁଖ୍ୟମନ୍ତ୍ରୀ ନାପ୍କିନ୍ ଯୋଜନା ଏବଂ କନ୍ୟା ନିବାସ ଯୋଜନା।
ଅନ୍ତର୍ଜାତୀୟରୁ ଆରମ୍ଭ କରି ଜାତୀୟ ତଥା ରାଜ୍ୟର ୩୧୪ ବ୍ଲକରେ ଘଟୁଥିବା ପ୍ରତିଟି ଘଟଣା ଉପରେ ସମ୍ବାଦ ଓ କନକ ନ୍ୟୁଜ ଆପଣଙ୍କୁ ଦେଉଛି ୨୪ ଘଂଟିଆ ଅପଡେଟ | କରୋନାର ସଂକଟ ସମୟରେ ଆମେ ଲୋଡୁଛୁ ଆପଣଙ୍କ ସହଯୋଗ । ‘ସମ୍ବାଦ’ ଗ୍ରୁପର ଡିଜିଟାଲ ମିଡିଆକୁ ଆର୍ଥିକ ସମର୍ଥନ ଜଣାଇ ଆଂଚଳିକ ସାମ୍ବାଦିକତାକୁ ଶକ୍ତିଶାଳୀ କରନ୍ତୁ |
