ଷଷ୍ଠ ପର୍ଯ୍ୟାୟ ଲୋକସଭା ନିର୍ବାଚନ: ଦେଖନ୍ତୁ ଭିଡିଓ- ସୁଲତାନପୁରରେ ପ୍ରତିଦ୍ୱନ୍ଦ୍ୱୀଙ୍କ ସହ ମେନକା ଗାନ୍ଧୀଙ୍କ ଯୁକ୍ତିତର୍କ
ନୂଆଦିଲ୍ଲୀ: ରବିବାର ସକାଳେ ଭୋଟ୍ ଗ୍ରହଣ ଆରମ୍ଭ ହେବା ପରେ ପରେ କେନ୍ଦ୍ରମନ୍ତ୍ରୀ ଏବଂ ଭାରତୀୟ ଜନତା ପାର୍ଟିର ନେତ୍ରୀ ମେନକା ଗାନ୍ଧୀ ଓ ତାଙ୍କ ପ୍ରତିଦ୍ୱନ୍ଦ୍ୱୀ ପ୍ରାର୍ଥୀ ସୋନୁ ସିଂହଙ୍କ ମଧ୍ୟରେ ସାମାନ୍ୟ ଯୁକ୍ତିତର୍କ ହୋଇଥିଲା। ଉତ୍ତର ପ୍ରଦେଶର ପିଲିଭିତ ନିର୍ବାଚନ ମଣ୍ଡଳୀର ସାଂସଦ ଥିବା ମେନକା ଗାନ୍ଧୀ ସମ୍ପ୍ରତି ସୁଲତାନପୁର ଆସନରୁ ପ୍ରତିଦ୍ୱନ୍ଦ୍ୱିତା କରୁଛନ୍ତି।
Sambad is now on WhatsApp
Join and get latest news updates delivered to you via WhatsApp
#WATCH: Minor argument between Union Minister and BJP’s candidate from Sultanpur Maneka Gandhi and Mahagathbandhan candidate Sonu Singh after Gandhi alleged that Singh’s supporters were threatening voters. #LokSabhaElections #Phase6 pic.twitter.com/l2Pn1yCRVO
— ANI UP (@ANINewsUP) May 12, 2019
ମେନକା ଗାନ୍ଧୀ ଅଭିଯୋଗ କରିଥିଲେ କି, ସୋନୁଙ୍କ ସମର୍ଥକମାନେ ଭୋଟର୍ମାନଙ୍କୁ ଧମକ ଦେଉଥିଲେ।
ଏକ ସମ୍ବାଦ ସରବରାହ ସଂସ୍ଥା ଟୁଇଟ୍ କରିଥିବା ଭିଡିଓରେ ଦେଖାଯାଉଛି ସୋନୁ ସିଂହଙ୍କ ସହ ମେନକା ଗାନ୍ଧୀ ତାଙ୍କର ସମର୍ଥକମାନଙ୍କ ଆଚରଣ ସମ୍ପର୍କରେ ଯୁକ୍ତି କରୁଛନ୍ତି। ସେ କହିଥିଲେ: ଏଠାରେ ଗୁଣ୍ଡାଗିରି ଚଳିବ ନାହିଁ। ତାଙ୍କର ଅଭିଯୋଗକୁ ଅଗ୍ରାହ୍ୟ କରି ସେ କ’ଣ ଭୁଲ୍ କରିଛନ୍ତି ବୋଲି ସୋନୁ ପଚାରିଥିଲେ। ଏତିକି ବେଳେ ସୋନୁ ସିଂହଙ୍କ ସମର୍ଥକମାନେ ତାଙ୍କ ସପକ୍ଷରେ ସ୍ଲୋଗାନ୍ ଦେଇଥିଲେ। କ୍ରମେ ଉଭୟ ପକ୍ଷର ଲୋକେ ଘଟଣାସ୍ଥଳରୁ ପଳାଇ ଯାଇଥିଲେ ଓ ପରିସ୍ଥିତି ଶାନ୍ତ ପଡ଼ିଥିଲା।