ରାଫେଲ୍ ରାୟ ଉପରେ ରାହୁଳ ଗାନ୍ଧୀଙ୍କ ମନ୍ତବ୍ୟ ବିରୋଧରେ ସୁପ୍ରିମ୍ କୋର୍ଟ ଗଲେ ବିଜେପି ସାଂସଦ ମୀନାକ୍ଷି ଲେଖି
ନୂଆଦିଲ୍ଲୀ: ରାଫେଲ୍ ରାୟ ଉପରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ବିରୋଧରେ ‘ଚୌକିଦାର ଚୋର୍ ହୈ’ ବୋଲି ମନ୍ତବ୍ୟ ଦେଇଥିବାରୁ କଂଗ୍ରେସ ଅଧ୍ୟକ୍ଷ ରାହୁଳ ଗାନ୍ଧୀଙ୍କ ନାଁରେ ବିଜେପି ସାଂସଦ ମୀନାକ୍ଷି ଲେଖି ସୁପ୍ରିମ୍ କୋର୍ଟରେ ଅଦାଲତ ଅବମାନନା ପିଟିସନ୍ ଦାଏର କରିଛନ୍ତି।
Sambad is now on WhatsApp
Join and get latest news updates delivered to you via WhatsApp
ଏପ୍ରିଲ୍ ୧୫ ତାରିଖ ସୋମବାର ଦିନ ସୁପ୍ରିମ୍ କୋର୍ଟ ଏହି ମାମଲାର ଶୁଣାଣି କରିବାକୁ ଆଗ୍ରହୀ ହୋଇଛନ୍ତି।
ରାଫେଲ୍ ଜେଟ୍ ମାମଲାରେ ପୂର୍ବରୁ ଦେଇଥିବା ରାୟର ସମୀକ୍ଷା ଲାଗି କେନ୍ଦ୍ର କରିଥିବା ପ୍ରାଥମିକ ଆପତ୍ତିକୁ ସୁପ୍ରିମ୍ କୋର୍ଟ ଖାରଜ କରିବା ପରେ ବୁଧବାର ଦିନ କଂଗ୍ରେସ ଅଧ୍ୟକ୍ଷ ରାହୁଳ ଗାନ୍ଧୀ ଟିପ୍ପଣୀ ଦେଇଥିଲେ: ସୁପ୍ରିମ୍ କୋର୍ଟ ରାୟ ଶୁଣାଇ କହିଛନ୍ତି ଚୌକିଦାର ଚୋର୍ ହୈ।
ପ୍ରତିରକ୍ଷା ମନ୍ତ୍ରୀ ନିର୍ମଳା ସୀତାରମଣ ମଧ୍ୟ ରାହୁଳ ଗାନ୍ଧୀଙ୍କୁ ସମାଲୋଚନା କରି କହିଛନ୍ତି: ଆମେ ସଭିଏଁ ଜାଣନ୍ତି କଂଗ୍ରେସ ଅଧ୍ୟକ୍ଷ ବୋଧହୁଏ ଅଧ ପରା ପଢ଼ି ପାରିବେ ନାହିଁ, କିନ୍ତୁ ରାଜିନାମାରେ କିଛି ଦୁର୍ନୀତି ହୋଇଛି ବୋଲି ସ୍ୱୀକାର କରି, ଅଦାଲତ ଚୌକିଦାର୍ ଚୋର୍ ହୈ କହିଛନ୍ତି ବୋଲି କହି ସେ ଅଦାଲତ ଅବମାନନା କରିଛନ୍ତି।
ବିଜେପି ଗତ ମାସରେ ‘ମୈ ଭି ଚୌକିଦାର’ ଅଭିଯାନ ଆରମ୍ଭ କରିଥିଲା। ପ୍ରଧାନମନ୍ତ୍ରୀ ମୋଦି ଏବଂ ବିଜେପି ଅଧ୍ୟକ୍ଷ ଅମିତ ଶାହାଙ୍କ ସମେତ ଅନ୍ୟାନ୍ୟ ନେତାମାନେ ଟୁଇଟର୍ରେ ନିଜ ନାମ ପୂର୍ବରୁ ‘ଚୌକିଦାର’ ଯୋଗ କରିଥିଲେ।
ପରେ ରାହୁଳ ବିଜେପିର ଅଭିଯାନକୁ ସମାଲୋଚନା କରି କହିଥିଲେ କି, ସତ ବଦଳି ପାରିବ ନାହିଁ। ସମସ୍ତେ କହୁଛନ୍ତି ‘ଚୌକିଦାର୍ ଚୋର୍ ହୈ’।