ନୂଆଦିଲ୍ଲୀ : ଆଜି ଥିଲା ୧୬ଶ ଲୋକସଭାର ଶେଷ ଦିନ । ଶେଷ ଦିନରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ନିଜର ବିଦାୟୀ ଅଭିଭାଷଣରେ ନିଜର ସରକାରର ସଫଳତା ବଖାଣିବା ସହ ଗାନ୍ଧି ପରିବାର କଂଗ୍ରେସକୁ ଟାର୍ଗେଟ କରିଛନ୍ତି । ତେବେ ନିଜର ଏହି ଭାଷଣ କାଳରେ ମୋଦି ଏପରି ଏକ କଥା କହିଛନ୍ତି ତାହା ଶୁଣି ସମସ୍ତେ ଆଶ୍ଚର୍ଯ୍ୟ ହୋଇଯାଇଛନ୍ତି ।

Advertisment

ମୋଦି କହିଛନ୍ତି ଯେ ତାଙ୍କ ପୂର୍ବରୁ ୧୩ ଜଣ ପ୍ରଧାନମନ୍ତ୍ରୀ ରହିଛନ୍ତି । କିନ୍ତୁ ଲୋକସଭାରେ ପ୍ରଧାନମନ୍ତ୍ରୀଙ୍କ ଆସନ ପାଖରେ ଏକ ପ୍ଲେଟ ଲାଗିଛି, ସେଥିରେ ମାତ୍ର ୩ ଜଣ ପ୍ରଧାନମନ୍ତ୍ରୀଙ୍କ ନାଁ ଲେଖାଅଛି । ଏପରି କାହିଁକି ହୋଇଛି, ତାହା ଦେଶର ଉଦାରବାଦୀ ବୁଦ୍ଧିଜୀବିମାନେ ବିଚାର କରିବାକୁ ମୋଦି କହିଛନ୍ତି । ଏହି ୩ ଜଣ ପ୍ରଧାନମନ୍ତ୍ରୀ କିଏ ତାହା କହିନଥିଲେ ମଧ୍ୟ ଗାନ୍ଧି ପରିବାରକୁ ଟାର୍ଗେଟ କରି ସେ ଏ ହି କଟାକ୍ଷ କରିଥିବା ଆଲୋଚନା ହେଉଛି ।