ସଂସଦ ଓ ବିଧାନସଭାରେ ମହିଳାଙ୍କ ଲାଗି ୩୩% ସ୍ଥାନ ସଂରକ୍ଷଣ ପ୍ରସଙ୍ଗରେ ଆନ୍ଧ୍ରପ୍ରଦେଶ ମୁଖ୍ୟମନ୍ତ୍ରୀ ଚନ୍ଦ୍ରବାବୁଙ୍କୁ ଭେଟି ସହମତିି ଲୋଡିବେ ସୌମ୍ୟରଂଜନ
ଭୁବନେଶ୍ବର : ବିଜୁ ଜନତା ଦଳର ରାଜ୍ୟସଭା ସାଂସଦ ସୌମ୍ୟରଂଜନ ପଟ୍ଟନାୟକ ମଙ୍ଗଳବାର ଆନ୍ଧ୍ରପ୍ରଦେଶ ଗସ୍ତ କରିଛନ୍ତି । ପାର୍ଲାମେଣ୍ଟ ଓ ବିଧାନସଭାରେ ମହିଳାଙ୍କୁ ୩୩ ପ୍ରତିଶତ ସ୍ଥାନ ସଂରକ୍ଷଣ ପ୍ରସଙ୍ଗରେ ବିଧାନସଭାରେ ସଂକଳ୍ପ ପାରିତ ହେବା ପରେ ବିଜେଡି ପକ୍ଷରୁ ପ୍ରତିନିଧିମାନେ ବିଭିନ୍ନ ରାଜ୍ୟ ଗସ୍ତ କରି ବିଭିନ୍ନ ରାଜନୈତିକ ଦଳର ମୁଖ୍ୟଙ୍କୁ ଭେଟୁଛନ୍ତି ଓ ଏ ନେଇ ସମର୍ଥନ ବି ଲୋଡୁଛନ୍ତି । ଏହି କ୍ରମରେ ଆନ୍ଧ୍ରପ୍ରଦେଶ ମୁଖ୍ୟମନ୍ତ୍ରୀ ଚନ୍ଦ୍ରବାବୁ ନାଇଡୁଙ୍କୁ ସାକ୍ଷାତ କରିବେ ସୌମ୍ୟରଂଜନ । ଚନ୍ଦ୍ରବାବୁଙ୍କୁ ଭେଟି ତାଙ୍କ ସହମତିି ଲୋଡିବେ ସାଂସଦ ସୌମ୍ୟରଂଜନ ।
Sambad is now on WhatsApp
Join and get latest news updates delivered to you via WhatsApp
ତେଲେଙ୍ଗାନା ମୁଖ୍ୟମନ୍ତ୍ରୀ କେ ଚନ୍ଦ୍ରଶେଖର ରାଓ ଓଡ଼ିଶା ଆସିଥିବା ବେଳେ ଗତକାଲି ବିଜେଡି ପକ୍ଷରୁ ତାଙ୍କୁ ଭେଟି ମହିଳାଙ୍କ ୩୩ ପ୍ରତିଶତ ସ୍ଥାନ ସଂରକ୍ଷଣ ନେଇ ସମର୍ଥନ ଲୋଡିଥିଲେ ସୌମ୍ୟରଂଜନ । ଏ ନେଇ ସମର୍ଥନ କରିବାକୁ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ବିଭିନ୍ନ ରାଜ୍ୟର ମୁଖ୍ୟମନ୍ତ୍ରୀଙ୍କୁ ଚିଠି ବି ଲେଖିଛନ୍ତି ।
ଏହାଛଡା ବିଜେଡିର ପ୍ରତିନିଧି ବିଭିନ୍ନ ରାଜ୍ୟ ଗସ୍ତ କରି ବିଭିନ୍ନ ଦଳର ପ୍ରତିନିଧିଙ୍କୁ ଭେଟୁଛନ୍ତି ଓ ଏ ନେଇ ସମର୍ଥନ ବି ଲୋଡୁଛନ୍ତି । ସୌମ୍ୟରଂଜନଙ୍କୁ ଆନ୍ଧ୍ରପ୍ରଦେଶ ଓ ତେଲେଙ୍ଗାନା ଦାୟିତ୍ୱ ଦିଆଯାଇଛି ।