ନୂଆଦିଲ୍ଲୀ : ଆଜି ଥିଲା ୧୬ଶ ଲୋକସଭାର ଶେଷ ଦିନ । ଶେଷ ଦିନରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କୁ ଦୁଇଜଣ ଏପରି ସମର୍ଥକ ମିଳିଯାଇଛନ୍ତି, ଯାହା ପୂର୍ବରୁ କେହି ଆଶା କରୁନଥିଲେ । ଏହି ଦୁଇଜଣ ହେଉଛନ୍ତି ସମାଜବାଦୀ ପାର୍ଟି ନେତା ମୁଲାୟମ ସିଂ ଯାଦବ ଓ ପୂର୍ବତନ ପ୍ରଧାନମନ୍ତ୍ରୀ ଏଚ ଡି ଦେବେଗୌଡା ।
Sambad is now on WhatsApp
Join and get latest news updates delivered to you via WhatsApp
ଲୋସଭାରେ ନିଜର ବିଦାୟୀ ବକ୍ତବ୍ୟ ରଖି ମୁଲାୟମ କହିଛନ୍ତି ଯେ ସେ ଚାହୁଁଛନ୍ତି ଯେ ଚଳିତ ଲୋକସଭାରେ ସମସ୍ତ ସଦସ୍ୟ ପୁଣି ଥରେ ନିର୍ବାଚିତ ହୋଇ ଆସନ୍ତୁ । ଏହାର ଅର୍ଥ ହେଉଛି ପୁଣି ବିଜେପି ସଂଖ୍ୟାଗରିଷ୍ଠତା ପାଉ ଓ ନରେନ୍ଦ୍ର ମୋଦି ପୁଣି ପ୍ରଧାନମନ୍ତ୍ରୀ ହୁଅନ୍ତୁ । ସେ କହିଛନ୍ତି ଯେ ସଂସଦ ଠିକ ଭାବେ ଚାଲିବା ଲାଗି ମୋଦି ଅନେକ ପରିଶ୍ରମ କରିଛନ୍ତି । ସେ ଯେବେ ବି କୌଣସି କାମ ପାଇଁ ମୋଦିଙ୍କ ପାଖକୁ ଯାଇଛନ୍ତି ସେତେବେଳେ ସେ ତାହାକୁ କାର୍ଯ୍ୟକାରୀ କରିଛନ୍ତି ।
ମୁଲାୟମଙ୍କ ଏହି ବକ୍ତବ୍ୟ ଏପରି ସମୟରେ ଆସିଛି ଯେତେବେଳେ ତାଙ୍କ ପୁତ୍ର ଅଖିଳେଶ ଯାଦବ ମାୟାବତୀଙ୍କ ସହ ମିଶି ଉତ୍ତରପ୍ରଦେଶରେ ଲୋକସଭା ନିର୍ବାଚନ ଲଢିବାକୁ ଯାଉଛନ୍ତି । ଅନ୍ୟପକ୍ଷରେ ପୂର୍ବତନ ପ୍ରଧାନମନ୍ତ୍ରୀ ତଥା ଜେଡି (ଏସ) ନେତା ଏଚଡି ଦେବେଗୌଡା ମଧ୍ୟ ମୋଦିଙ୍କୁ ପ୍ରସଂଶା କରିଛନ୍ତି ।