ନୂଆ ଦଳ ‘ବହୁଜନ ମୁକ୍ତି ମୋର୍ଚା’
ଭୁବନେଶ୍ବର : ‘ଓଡ଼ିଶା ମୁକ୍ତି ମୋର୍ଚା’ର ନାମ ପରିବର୍ତନ ହୋଇ ‘ବହୁଜନ ମୁକ୍ତି ମୋର୍ଚା’ ହୋଇଛି। ଆଜି ବୁଦ୍ଧମନ୍ଦିର ପରିସରରେ ଏହି ନୂତନ ରାଜନୈତିକ ଦଳର ଘୋଷଣା କରାଯାଇଛି। ଦଳର ସଭାପତି ରହିଛନ୍ତି ଭଜମନ ବେହେରା ଓ ଉପସଭାପତି ରହିଛନ୍ତି କୃଷ୍ଣଚନ୍ଦ୍ର ପୃଷ୍ଟି। ସମାଜର ୯୪ ପ୍ରତିଶତ ଉପେକ୍ଷିତ ଲୋକଙ୍କ ପାଇଁ ଦଳ କାମ କରିବ ବୋଲି ନେତୃମଣ୍ଡଳୀ କହିଥିଲେ।
Sambad is now on WhatsApp
Join and get latest news updates delivered to you via WhatsApp
ଦଳ ପକ୍ଷରୁ କୁହାଯାଇଛି ଯେ, ଖଣି, ଜଙ୍ଗଲ, ପାଣି ଓ ଅନ୍ୟାନ୍ୟ ରାଜସ୍ବ ଆଦାୟ ଠିକ୍ଭାବେ ରାଜକୋଷକୁ ଆସିବା ସହିତ ରାଜସ୍ବରେ ସମ୍ବିଧାନ ପ୍ରଦତ୍ତ ଅଧିକାରୀ କାର୍ଯ୍ୟକାରୀ ହେବ। ପଛୁଆ ବର୍ଗଙ୍କ ପାଇଁ ୨୭ଭାଗ ଶିକ୍ଷା, ନିଯୁକ୍ତି ଓ ଅନ୍ୟାନ୍ୟ ସମସ୍ତ କ୍ଷେତ୍ରରେ ଭାଗିଦାରୀ ବ୍ୟବସ୍ଥା କରିବା, ମହିଳା, ଶିଶୁ ତଥା ଦୁର୍ବଳ ଲୋକଙ୍କ ଉପରେ ହୋଉଥିବା ଅତ୍ୟାଚାରକୁ ଆଇନ ପ୍ରୟୋଗ କରି ଦମନ କରାଯିବ ବୋଲି ଦଳ ପକ୍ଷରୁ କୁହାଯାଇଛି।